Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.
Le ubɔr ngbaan yin ni Moses ki nan bui u ke, “Aa ni saanib ngbaan nya ki li cha man, ki ti doon Uwumbɔr, hali nipuutiib, ni nimi aabim mu ga ŋmaa dii nimi buen. Ni mu taa di nimi aapiih, ni iŋoob, ni inaa buen, see ima bee do.”
Aayii, see ti di timi aawakor buen; kibaa kina aan gur do. Timi tibaa le ga nyan tiwakor ti ti gee na ki di toor kitork tii Tidindaan Uwumbɔr. Ti mu yaa kaa fuu nin chee ti cha na kan, taan ŋmaa bee tiwakor ti ti ban ti di toor kitork ngbaan na.”
Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.