Nnyam 10:23 - Uwumbɔr aagbaŋ

²³ Ijipt yaab aa nan ki waa tɔb, le bi ponn ni ubaa aa nan ŋmaa nyan waadichal ni ki buen nibaa chee. Le Israel yaab ma aah nan koo nin chee na nan kpa nwiihn.

Nnyam 10:23 ပူးပေါင်းရင်းမြစ်များ

Nnyam 14:20

Ntaalangbam ngbaan nan cha ni bɔnn Ijipt yaab chee, le ki tee ye nwiihn Israel yaab wɔb, nima pu na, kinyeek ngbaan, ŋitimbol ŋilee ngbaan aa nan ŋmaa ŋɔŋ tɔb pu le kitaak ti woln.

Nnyam 7:25

Uwumbɔr aah nan cha limɔɔl ngbaan aanyun kpaln nsin na, iwiin ilole nan jer.

Nnyam 8:18

Le ubɔr aanyɔkdam mu pɔɔn bibaa ke bi ŋa kina, le kaa ŋman. Tinaapulor nan bi ni mɔmɔk,

Nnyam 8:19

le binyɔkdam ngbaan bui ubɔr ke, “Uwumbɔr le ŋa kina.” Tɔ, hali Uwumbɔr aah ŋa lijinjiir aawan nimina mɔmɔk na, ubɔr ngbaan nan moo pɔɔk usui, le ni gbiin Uwumbɔr aah nan tuk Moses ni Aaronn pu na.

Nnyam 8:22

M mu aan cha tisibir ngbaan nya Gosenn aapepel wɔb, nin chee maanib bi na. M ga ŋa kina aan aa ni saanib bee ke min Uwumbɔr bi tun lituln kitiŋ kee ni.

Nnyam 9:26

Tɔ, Gosenn aapepel wɔb, nin chee Israel yaab nan bi na, ŋitaatakpal aa nan lir nima chee.

Nnyam 9:4

M ga yakr Israel yaab ni Ijipt yaab aawakor, le Israel yaab aawakor kibaa aan kpo.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Amos 4:7

Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Kolosiya 1:13

Uma le nan nyan timi mbɔmbɔɔn aanaan ni, ki nabr timi di buen Ujapɔgeehn aanaan ni.

Josua 24:7

le bi wii ki yin mi ke m nan ter bi, le m cha mbɔmbɔɔn dan bi ni Ijipt yaab aakaasisik ni. M nan cha Ijipt yaab bee nnyusakpem na ni. Ni nyi maah nan ŋa Ijipt yaab pu na mɔmɔk. “‘Ni nan bi nteersakpiin ni, ni yunn pam.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.