Nnyam 10:21 - Uwumbɔr aagbaŋ

²¹ Uwumbɔr nan ki bui Moses ke, “Yoor aaŋaal paacham ki di mɔk kitaapaak, le mbɔmbɔɔn sakpiin ga lir ni, ki biin Ijipt aatiŋ pu.”

Nnyam 10:21 ပူးပေါင်းရင်းမြစ်များ

Job Aagbaŋ 5:14

hali nwinkapiin pu kan, bi chuun baani mbɔmbɔɔn ni la.

Ilahn 105:28

Baa nan yii waamɔb. Uwumbɔr nan cha mbɔmbɔɔn biin kitiŋ ngbaan pu,

Ilahn 35:6

Uwumbɔr aatuun aah gbaa bi lir pu na, cha baasan li bɔɔn ki ŋar.

Ilahn 78:49

Waaŋuusakpeln ponn ni le u nan cha nkun aatuuntiib dan ki nan bii bi pam.

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Nnyam 9:22

Uwumbɔr nan bui Moses ke, “Yoor aaŋaal paacham ki di mɔk kitaapaak, le ŋitaatakpal ga lir ni Ijipt yaab aatiŋ kee pu, ŋi ga lir ni binib, ni tiwakor, ni timoor ti bi kitiŋ ngbaan ni na mɔmɔk pu.”

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Ulandaan 2:14

Bilandam waa baah cha nin chee na, le bijɔrb ma aa waa. Tɔ, m mu tee nyi ke ti mɔmɔk aadoon ye tiwan nibaa la.

Ulandaan 6:4

Ubo ngbaan aadam aa kpa tinyoor; u gir koo mbɔmbɔɔn ni la, le bi suln u bɔr.

Esekiel 32:7

M yaa nan kuln si kan, m ga biin kitaapaak pu ki nyan iŋmabi. Nwiin ga bɔr ntaalangbam aapuwɔb, le uŋmal aan ki li wiin.

Matiu 27:45

Nwiin kaasisik ni le itingbaan mɔmɔk bɔln, ki ti saa nwiin aah kpar pu na.

Tibɔnyaan ti Mak ŋmee ti na 15:33

Nwiin kaasisik ni, le itingbaan mɔmɔk bɔln, ki ti saa nwiin aah kpar pu na.

Tibɔnyaan ti Luk ŋmee ti na 23:44

Ni nan ye nwiin kaasisik ni. Le dulnyaa mɔk bɔln, ki ti saa nwiin aah kpar pu na.

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 28:29

Ni ga li chuun tuur nwiin pu ke ujoon na, le kaan bee nin chee ni cha na. Ni yaa ŋa tiwan mɔmɔk kan, naan kan tinyoor kpala. Ni ga li bi falaa ni, n‑yoonn mɔmɔk la, le bi ga li su nimi aawan, ubaa mu aan li bi ki ga ter nimi.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

2 Piita 2:17

Biŋmaŋmannim ngbaan naahn inyunbun i kaa kpa nnyun na, ki naahn utaal u yun ki bɔln ki joo libuln kaa nu na la. Uwumbɔr ga di bi ŋa mbɔmbɔɔn sakpiin ni, n‑yoonn mu kaa kpa ndoon na.

2 Piita 2:4

Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.

Juud 1:13

Bi tun inimɔɔn aatuln la, ki naahn nnyusakpem aanyunkpenn ti ŋani tipupukr ni tijɔŋ nnyun aagbaan na la, ki ki naahn ŋiŋmabil ŋi kaa chuun ŋaasan ni na. Uwumbɔr ga di bi ŋa mbɔmbɔɔn ni, n‑yoonn mu kaa kpa ndoon na.

Juud 1:6

Teer man, Uwumbɔr aatuuntiib bi nan di cha Uwumbɔr aah tii bi lituln li na, ki nyan ni bido paacham na aabɔr. Uwumbɔr nan buu bi tikululn ti baan ŋmaa buur ti na, ki di bi ŋa mbɔmbɔɔn mu bi kitiŋ aataab na ni, ki nan saa nwiin mundaln u ga ji bi tibɔr ki siin bi ntafadaan na.

Tibɔkpiirkaan 8:12

Le Uwumbɔr aatuun nanar mu pii waakakaan. Le nwiin ligetatar chuu gii ki bɔln. Uŋmal ligetatar, ni iŋmabi ligetatar mu chuu gii ki bɔln. Le nwiin ligetatar aa wiin. Kinyeek ligetatar mu aa wiin.