Nnyam 10:2 - Uwumbɔr aagbaŋ

² le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 10:2 ပူးပေါင်းရင်းမြစ်များ

2 Samuel 7:22

Ndindaan Uwumbɔr, saapɔɔn nyaŋ sakpen. Ubaa aa ki bi ke sin na, ti puun nyi n‑yoonn mɔmɔk ke sin baanja le ye Uwumbɔr.

Ilahn 44:1

Uwumbɔr, tiyaajatiib bui timi, le titafal ŋun saah nan tun ŋitukpaan ŋi baayoonn mu jer ki yunn na.

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Ilahn 78:3

tibɔr ti ti ŋun ki nyi ti na, tibɔr ti tiyaajatiib tuk timi na.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 14:18

N‑yoonn mu m nyaŋ bi na, le Ijipt yaab ga bee ke min le ye Uwumbɔr.”

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 7:17

Ubɔr, Uwumbɔr bui ke waah ga ŋa tiwan nimɔk na, le aa ga bee waah kpa mpɔɔn pu na. Lik, m ga di kijaangbeek kee faa limɔɔl lee aanyun, le nnyun ngbaan kpaln nsin.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Nnyam 8:6

Nima pu na, Aaronn nan yoor waajaangbeek ngbaan paacham ki di mɔk nnyun ngbaan mɔmɔk, le ŋipulaatal nyan ni, ki gbiin kitiŋ ngbaan mɔmɔk ni.

Aisaya 38:19

Binib bi fu na baanja le ga ŋmaa pak si, ke maah pak si dandana wee pu pu na. Tetiib tuk baabim ke aa ŋani saah puu pu na.

Esekiel 20:26

M nan cha bi di bibaa aatork le bii bibaa, le ki cha bi di baajan aabijabim toor kitork tii ŋiwaa. Nimina le ga nan daa bitafal ki cha bi bee ke min le ye Uwumbɔr.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Joel 1:3

Bui nimi aabilb tiwan ngbaan aabɔr man; le bi mu ga nan bui baabilb, le baabilb mu ga nan bui bi mu aabilb bi ga nan paan ni bi pu na.

Efesusi 6:4

Tetiib, ni taa fiini nimi aabim aaŋuul. Ni li joo bi mbamɔm, ki sur bi, ki tuk bi Tidindaan aabɔr.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,