Nnyam 1:7 - Uwumbɔr aagbaŋ

⁷ le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Nnyam 1:7 ပူးပေါင်းရင်းမြစ်များ

Mpiin 1:20

Uwumbɔr nan ki bui ke, “Ijan mɔk aabɔŋ, ni tiwanfuurkaan mɔmɔk aabɔŋ naan, ki li bi nnyun ni ki li wiir. Inyoon mu mɔmɔk aabɔŋ li bi ki laani paacham.”

Mpiin 1:28

le ki ŋa tinyoor ŋa bi pu, le ki bui ke, “Maa, ki pɔr, aan ki gbiin kitiŋ kee pu, ki li lik kitiŋ ngbaan. Li kpa mpɔɔn ijan, ni inyoon, ni tiwan nimɔk fu ki baar kitiŋ pu na.”

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:22

Le u fii nima chee ki buen ti ki gbii muken. Ubaa aa nan ki dan nan ban u kijaak mue pu, nima le u nan yin mu ke, “Lifuur.” U nan bui ke, “Dandana, Uwumbɔr tii timi lifuur ti li bi kitiŋ kee pu, ki kan tinyoor.”

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 35:11

Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

Mpiin 47:27

Israel yaab nan bi Gosenn aapepel ni, Ijipt aatiŋ ni, le bi ma mbim pam, ki kan liwangol mu pam.

Mpiin 48:16

Cha Uwumbɔr aatuun u gaa mi tibɔbir mɔmɔk ni lii na ŋa tinyoor ŋa bi pu. Cha maayimbil, ni ntetiib Abraham ni Aisak aayimbil li kpa yimbipur bi pu. Cha bi kan mbim ni yaabitiib pam.”

Mpiin 48:4

U nan bui mi ke, ‘M ga tii si mbim pam, nima kan, saamaal ga ŋa ŋitimbol ŋi wiir na. M ga di kitiŋ kee tii saamaal ki li ye biyaan ki cha n‑yoonn mu kaa kpa ndoon na.’”

Mpiin 9:1

Le Uwumbɔr nan ŋa tinyoor ŋa Nowa ni ujapɔtiib pu, ki bui ke, “Ni maa ki too pɔr kpee, aan niyaabitiib ga pɔr gbiin dulnyaa wee ni.”

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Ilahn 105:24

Uwumbɔr nan cha waanib pɔr pam, ki cha bi kpa mpɔɔn jer baadim.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Nnyam 1:12

Tɔ, baah nan nan Israel yaab ki moo ŋani bi falaa sakpen pu na, Uwumbɔr nan cha bi moo pɔr kpee kina la, le ki yaa gbiin Ijipt aatiŋ ponn ni, le Ijipt yaab nan gur san Israel yaab ijawaan,

Nnyam 12:37

Israel yaab nan nyan Rameses aatiŋ ki chuun bitaa pu ki cha Sukof. Bi nan ye bijab ŋichur ikui iloob, baa nan kahn bipiib ni mbim kpaan bi ponn ni.

Nnyam 5:5

Nimi binib bee gur wiir jer Ijipt yaab, le dandana wee ni ban ni di cha lituln ngbaan.”

Esekiel 16:7

M nan cha aa muun ke busub bu kpa laafee na. Aa nan pɔɔk, ki fɔk, le ki ŋa upiisapɔɔn. Saabii nan nyan ki ŋan, le saayikpir mu muun, aa mu aa nan gbab nibaa.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Ikaal 10:22

N‑yoonn mu niyaajatiib nan buen Ijipt aatiŋ ni na, bi nan ye binib imonko itaa ni kipiik baanja la, le dandana wee, Nidindaan Uwumbɔr cha ni wiir sakpen ke iŋmabi i bi kitaapaak na.

Ikaal 26:5

Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.