Nnyam 1:12 - Uwumbɔr aagbaŋ

¹² Tɔ, baah nan nan Israel yaab ki moo ŋani bi falaa sakpen pu na, Uwumbɔr nan cha bi moo pɔr kpee kina la, le ki yaa gbiin Ijipt aatiŋ ponn ni, le Ijipt yaab nan gur san Israel yaab ijawaan,

Nnyam 1:12 ပူးပေါင်းရင်းမြစ်များ

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Ilahn 105:24

Uwumbɔr nan cha waanib pɔr pam, ki cha bi kpa mpɔɔn jer baadim.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Nnyam 1:20

Bimamaam ngbaan aah nan san Uwumbɔr ijawaan na, le u nan ŋa tinyoor ŋa bi pu ki cha bi ma mbim pam. Le Israel yaab too pɔr kpae ki kpa mpɔɔn.

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Nnyam 1:9

U nan bui waanib ke, “Israel yaab bee moo pɔr ki kpa mpɔɔn, le baan ki lik pak timi.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Ŋiyataŋak 27:4

Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Nkahm 22:3

le ijawaan chuu u ni waanib mɔmɔk.

Jɔnn 12:19

Farisii yaab aah kan kina na, le bi bui tɔb, “Ni kan aa? Taa ki kpa tinyoor tibaa. Dulnyaa ni aanib mɔmɔk dii uma la.”

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

Ikaal 26:5

Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.