Nkahm 9:6 - Uwumbɔr aagbaŋ

⁶ Tɔ, binib bibaa nan bi bi ponn ni, ki meeh linikpol ki bii bibaa, kina na, baa nan ŋmaa kpaan biken chee ki ŋa njim ngbaan liyaadaal. Le bi buen Moses ni Aaronn chee le ki ti bui bi ke,

Nkahm 9:6 ပူးပေါင်းရင်းမြစ်များ

Nnyam 18:15

Le Moses giin bui u ke, “See m ŋa kina, ba pu? binib ngbaan choo m chee ke m nan tuk bi Uwumbɔr aah ban pu na la.

Nnyam 18:19

Dandana wee, cha m sur si, aan Uwumbɔr ga li bi aa chee. Ni ŋan ke aa li si binib ngbaan aasisii, Uwumbɔr aanimbiin ni, ki li joo ni baabɔr u chee.

Nnyam 18:26

Bi nan tun libɔjil aatuln binib ngbaan chee n‑yoonn mɔmɔk, le ki tee joo ni tibɔr ti pɔɔ na Moses chee, le ki toor tibɔr ti kaa pɔɔ na bibaa.

Liifai Yaab 21:11

Bi di u tii min Uwumbɔr la, le naa ŋan ke u bii ubaa. U taa nya Maabool ni ki ti li koo linikpol do, hali ni yaa ye ute, bee una kan, naa ŋan ke u bii Maabool.

Nkahm 15:33

Le bi di u buen Moses, ni Aaronn, ni binib ngbaan mɔmɔk chee.

Nkahm 19:11

Unii umɔk meeh linikpol na kan, u kpaln tijɔŋdaan le ki ti saa iwiin ilole.

Nkahm 19:14

Nibaakan unii ubaa yaa bi waadiik ponn ni, uken kpo leŋ u pu, bee linikpol ngbaan yaa dɔ ki ponn ni, le uken koo li chee kan, u mu kpaln tijɔŋdaan iwiin ilole le na.

Nkahm 19:16

Nibaakan bi yaa ku unii, bee u kpo ubaa pu lipaal, aan uken yaa meeh u, bee unii ubaa yaa meeh unibɔn aakpab, bee likaakul kan, u kpaln tijɔŋdaan iwiin ilole le na.

Nkahm 19:18

Unii u bi chain na yoor nkiisuk bɔ nnyun ngbaan ni, ki di yɔk yɔk kidiik ngbaan pu, ni tiwan nimɔk bi ki ponn ni na, ni binib bi nan bi ki ponn ni na pu. Unii u bi chain na mu di nnyun ngbaan yɔk yɔk uja u meeh unibɔn aakpab, bee linikpol, bee u meeh likaakul na pu.

Nkahm 27:2

Ubisatiib ngbaan nan buen ti sil Moses, ni utotoor Eleasar, ni biyidam biken, ni binib ngbaan mɔmɔk chee, Uwumbɔr Aabool aabisamɔb chee, ki bui ke,

Nkahm 27:5

Moses nan di tibɔr ngbaan buen Uwumbɔr chee.

Nkahm 5:2

“Tuk Israel yaab ke bi nyan binib bi kpa tiwon aaween i bir na, bee biwon nya kinyuŋ ni tinar, ni unii umɔk meeh utekpiir kaa bi chain na, nibaa chee.

Nkahm 9:7

“Ti meeh linikpol le ki bii tibaa, ba ŋa tima aan ŋmaa kpaan Israel yaab biken chee ki toor kitork tii Uwumbɔr?”

Jɔnn 18:28

Le bi di Yesu nyan Kayafas aadichal ni, ki di u buen kitiŋ ngbaan aaninkpel aadichal ni, bi yin u ke Pailat. Ni nan ye lichakpitaawoln la. Juu yaab aaninkpiib nan ban ke bi li bi chain ki ji Lakr‑jer aajim, nima le baa nan koo ni lidichal ngbaan ni.