Nkahm 9:20 - Uwumbɔr aagbaŋ

²⁰ N‑yoonn mubaa kan, ntaalangbam ngbaan aa nan yunni nibaa chee, kina pu na, bi mu aa nan kaa yunni; le Uwumbɔr yaa bui bi ke bi fii kan, see bi fii nima.

Nkahm 9:20 ပူးပေါင်းရင်းမြစ်များ

Ilahn 48:14

“Uwumbɔr umina ye timi Aawumbɔr le ki ti saa n‑yoonn mu kaa kpa ndoon na.” Uma le ga mɔk timi nsan ki ti saa n‑yoonn mu kaa kpa ndoon na.

Ŋiyataŋak 3:5

Di aasui mɔmɔk kii tii Uwumbɔr. Taa li joo saah dak ke aa nyi pu na tun.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Nkahm 10:13

Bi nan chuun dii, Uwumbɔr aah mɔk Moses pu na la.

Nkahm 9:18

Uwumbɔr yaa bui bi ke bi fii nin chee na kan, see bi fii nima, le ki ti kal waah bui ke bi ti kal nin chee na. Ntaalangbam ngbaan yaa sil Libool ngbaan pu ki ti saa buyoonn na kan, bi mu nan ka nima chee le ki cha.

Nkahm 9:19

Ntaalangbam ngbaan yaa nan sil Libool ngbaan pu ki yunn kan, see bi kii tii Uwumbɔr aah ban pu na, le kaa fii nima chee.

Nkahm 9:21

N‑yoonn mubaa kan, ntaalangbam ngbaan ga sil nibaa chee kijook ki ti saa kichakpiik ni, le mu aah ti fii buyoonn na kan, bi mu fii dii ntaalangbam ngbaan. N‑yoonn mu ntaalangbam ngbaan fii na kan, le bi mu ti fii dii mu.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.