Nkahm 9:19 - Uwumbɔr aagbaŋ

¹⁹ Ntaalangbam ngbaan yaa nan sil Libool ngbaan pu ki yunn kan, see bi kii tii Uwumbɔr aah ban pu na, le kaa fii nima chee.

Nkahm 9:19 ပူးပေါင်းရင်းမြစ်များ

Nnyam 40:37

N‑yoonn mumɔk ntaalangbam ngbaan si nima chee na kan, baa fii nima.

Liifai Yaab 8:35

Ni li bi Libool ngbaan ni, laachiln ni, nwiin pu ni kinyeek, ki ti saa iwiin ilole, aan ki li ŋani Uwumbɔr aah mɔk pu na. Ni yaa yii kan, ni ga kpo. Uwumbɔr aah tuk mi pu na le na.”

Sekaria 3:7

Uwumbɔr Mpɔɔnsakpiindaan len ke: “Aa yaa joo maakaal, ki tun lituln li m di tii si na kan, aa ga li beenin ye Maadichal ni laachin aajojoor, le m ga tii si nsan ke aa dan nnimbiin ni ke maatuuntiib ngbaan.

Nkahm 3:8

Bima le ga gaa Maabool, ni tiwan nimɔk bi li ponn ni na aatuln, ki tun tii Israel yaab bi gur na.

Nkahm 9:18

Uwumbɔr yaa bui bi ke bi fii nin chee na kan, see bi fii nima, le ki ti kal waah bui ke bi ti kal nin chee na. Ntaalangbam ngbaan yaa sil Libool ngbaan pu ki ti saa buyoonn na kan, bi mu nan ka nima chee le ki cha.

Nkahm 9:20

N‑yoonn mubaa kan, ntaalangbam ngbaan aa nan yunni nibaa chee, kina pu na, bi mu aa nan kaa yunni; le Uwumbɔr yaa bui bi ke bi fii kan, see bi fii nima.