Nkahm 9:13 - Uwumbɔr aagbaŋ

¹³ Tɔ, unii umɔk bi linampal, kaa buen nsan, ki mu bi chain, ki yii kaa jin Lakr‑jer aajim ngbaan na kan, u li nyi ke waa ki ye maanii, ba pu? buyoonn ni ŋeer ke u tii mi ipiin na, waa ŋa kina, le u ga ji falaa kina pu.

Nkahm 9:13 ပူးပေါင်းရင်းမြစ်များ

Mpiin 17:14

Uja yaa kaa gii uchakpaln kan, m ga yakr u maanib chee, ba pu? ni mɔk ke u bii taah nan ŋa kimɔbaan ki na.”

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:19

Iwiin ilole ngbaan aakaasisik ni, ubaa taa li kpa boroboro aanyɔk udo lichiln ni, nimi ntimbim, bee uchaan, yaa ŋman boroboro u kpa boroboro aanyɔk na kan, waan ki li ye maanii kpala.”

Nnyam 12:47

Israel yaab mɔmɔk kpaan toor njim ngbaan,

Nnyam 30:33

Unii ubaa yaa ŋa nkpan ngbaan aaboln, bee u yaa di mu ki di meen unii u kaa ye utotoor na kan, waan ki li ye maanii.’”

Nnyam 30:38

Unii ubaa yaa ŋa tulalee kina aaboln ki joo u kan, waan ki li ye maanii.”

Esekiel 23:49

M ga daa nimi bilee bimina aatafal, nimi aaninsuŋ ni naah dooni ŋiwaa ki tun titunwanbir ti na pu. N‑yoonn ngbaan le ni ga bee ke min le ye Nidindaan Uwumbɔr.”

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 20:20

Uja yaa doon utewaa, bee utekpel aapuu chee kan, u jinn utewaa, bee utekpel inimɔɔn a, bi mɔmɔk bilee ga kan ntafadaan, bimɔk bilee aan maa mbim.

Liifai Yaab 22:9

“Bitotoorb mɔmɔk li joo ikaal ngbaan ke maah di i tuk nimi pu na. Bi yaa kaa joo i kan, baabɔr ga bii, le bi ga kpo, ba pu? bi yii maakaal i bi chain na. Min le ye Uwumbɔr le ki ŋa bi chain.

Liifai Yaab 24:15

ki tuk Israel yaab ke unii umɔk puun lii Uwumbɔr aayimbil pu na ga ji kina aafalaa ki kpo.

Nkahm 19:13

Unii umɔk meeh linikpol, kaa fu kina aanyun ki ŋa ubaa chain na kan, u gaar tijɔŋ ngbaan ni la, ba pu? waa fu kina aanyun. U bii Uwumbɔr Aabool le na, le waa ki waan ki li ye Uwumbɔr aanib ponn ni ubaa.

Nkahm 19:20

Unii umɔk kaa bi chain ki mu yii kaa toor ubaa na kan, u gur ye ujɔŋdaan la, ba pu? waa fu nnyun mu ŋani binib chain na. U bii Uwumbɔr Aabool le na, le waan ki li ye Uwumbɔr aanib ponn ni ubaa.

Nkahm 5:31

Ni yaa ye mbamɔn ke upii ngbaan tun kidagook aatuln kan, uchal aa kpa taani kpala; upii ma yaa galn kan, see u jin falaa ngbaan.”

Nkahm 9:7

“Ti meeh linikpol le ki bii tibaa, ba ŋa tima aan ŋmaa kpaan Israel yaab biken chee ki toor kitork tii Uwumbɔr?”

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

Hiibru Yaab 2:3

Nima pu na, ti yaa yii ŋŋmarkpaan ngbaan aaboln kan, taan nyan ntafadaan ni. Tidindaan ubaa le nan pue tuk binib ŋŋmarm ngbaan aabɔr. Le binib bi ŋun na mu tuk timi, ki mɔk timi ke ti gbii la.

Hiibru Yaab 6:6

Baah di cha waasan na, ni mɔk ke bi ki bi kpaa Uwumbɔr Aajapɔɔn ndɔpuinkoo pu, ki jinn u inimɔɔn binib aanimbil ni la, le saan ŋmaa cha bi ki kpeln baabimbin ki ki dii u.

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.