Nkahm 8:8 - Uwumbɔr aagbaŋ

⁸ Bi ban unaajabo, ni n‑yon mu bi di olif aakpan buun mu na, ni li ye njikaabim aatork aapiin; le aa ga ban unaaja uken u li ye titunwanbir aatork aapiin.

Nkahm 8:8 ပူးပေါင်းရင်းမြစ်များ

Nnyam 29:1

“Saah ga ŋa pu ki di kitork aatuln tii Aaronn ni ujapɔtiib aan bi li tun maatuln pu na sɔ. Aa ban unaaja ni ipihja ilee, i taa li kpa iween ibaa.

Nnyam 29:3

Aa di bi ŋa kibɔɔkuuk ni, ki di tii mi n‑yoonn mu ni ban ni di unaaja ni ipihja ilee na toor kitork tii mi na.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 16:3

N‑yoonn mu u ti joo ni unaajabo u nan toor titunwanbir aatork, ni upihja u u joo ni u nan toor kitork ki bi joo seer mmii ni na, le u ga ŋmaa koo nima chee.”

Liifai Yaab 2:1

N‑yoonn mu unii ubaa yaa ban u tii Uwumbɔr njikaabim aapiin na kan, u pue nan njikaabim ngbaan mu ŋa n‑yon. U ban nkpan ni tulalee aayon paan mu pu.

Liifai Yaab 4:14

le titunwanbir ngbaan yaa nyan aan bi bee ti kan, bi mɔmɔk kpaan ban ni unaaja, ni li ye titunwanbir aachapinn aatork. Bi li joo ni unaaja ngbaan Uwumbɔr Aabool chee unimbiin ni,

Liifai Yaab 4:3

Utotoorninkpel le yaa tun titunwanbir le ni ga joo ni ntafadaan binib pu kan, u di unaaja u ŋan na toor kitork tii Uwumbɔr, waatunwanbir ngbaan pu.

Liifai Yaab 8:2

“Di Aaronn ni ujapɔtiib buen Libool aabisamɔb chee nnimbiin ni, aan ki li joo ni bitotoorb aawanpeenkaan, ni nkpanmeenkaan, ni titunwanbir aatork aanaaja, ni ipihja ilee, ni boroboro u kaa kpa boroboro aanyɔk na kibɔɔkuuk kibaa,

Rom Yaab 8:3

Nkaal aan ŋmaa ŋa kina; ba pu? binib aa kpa mpɔɔn ke bi joo nkaal ngbaan. Le Uwumbɔr ŋa waakaal aah kaa ŋmaa ŋa pu na; timi aatunwanbir pu le u nan tun ni Ujapɔɔn Yesu dulnyaa wee ni, ke u di tiwon ti naahn timi titunwanbirdam aawon na bii titunwanbir ti bi tisui ni na aapɔɔn,

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.