Nkahm 7:89 - Uwumbɔr aagbaŋ

⁸⁹ N‑yoonn mu Moses buen Uwumbɔr Aabool ni u ti len Uwumbɔr chee tibɔr na, le u ŋun Uwumbɔr len u chee tibɔr, tiwan ni bi Nkaal Aadakaa pu aapaacham ki kpa ifeen na aakaasisik ni.

Nkahm 7:89 ပူးပေါင်းရင်းမြစ်များ

1 Bibɔrb 6:23

Bi nan di olif aasub naan tiwan ni kpa ifeen na nilee nibaa siin Chain Chain Aapepel ni, le nibaa mɔk aah paa paacham pu na ye ŋitaa kipiik ni ŋiŋmu.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Nnyam 40:35

Nimina pu na, Moses aa nan ŋmaa koo Libool ngbaan ni.

Liifai Yaab 1:1

Uwumbɔr nan yin Moses, uma Uwumbɔr Aabool ponn ni, le ki tuk u tibɔr timina.

Nkahm 1:1

Israel yaab aah nan nyan Ijipt aatiŋ ni, ni ti saa ŋibin ŋilee na, lelee aaŋmal ni, njan aawiin daal, le Uwumbɔr nan len Moses chee tibɔr, uma Uwumbɔr Aabool ni, Sainai Aateersakpiin ni. U nan bui Moses ke,

Nkahm 11:17

M ga sunn ni ki nan len aa chee tibɔr nima, le ki di Maafuur Nyaan mu m di tii si na ngem, tii bi mu. Nima kan, bi ga ŋmaa ter si, aa joo binib ngbaan, le naan ki li ye si baanja le ga li joo bi.

Nkahm 12:8

Nima pu na, m sii u chee le ki len, naa ye ŋiyataŋak ponn ni, le u kan maah bi pu na. Ni ŋa kinye aan ni galni maatutunn Moses kina?”

Nkahm 8:1

Uwumbɔr nan bui Moses ke,

Hiibru Yaab 4:16

Timi aatotoorninkpel aah bi kina na, cha ti li kpa lipobil ki dan Uwumbɔr u kpa tibulchinn na aabɔrjal chee, aan u san timi kinimbaak, ki ter timi buyoonn ti ban nterm na.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

1 Samuel 4:4

Le bi tun binib Silo aatiŋ ni, ke bi ti yoor ni Uwumbɔr Mpɔɔnsakpiindaan u bi tiwan ni kpa ifeen na aapaacham na Aakaal Aadakaa. Le Eli aajapɔtiib bilee na, Hofni ni Fineas, mu dii buen.