Nkahm 7:12 - Uwumbɔr aagbaŋ

^12-83 Bi mɔmɔk aah nan joo ni baapiin ki paa tɔb pu pu na sɔ: Linibol Usaloln 1 Juda Aminadab aajapɔɔn Nasonn 2 Isakar Suar aajapɔɔn Netanel 3 Sebulunn Helonn aajapɔɔn Eliab 4 Rubenn Sedeur aajapɔɔn Elisur 5 Simeonn Surisadai aajapɔɔn Selumiel 6 Gad Dewel aajapɔɔn Eliasaf 7 Efraim Amihud aajapɔɔn Elisama 8 Manase Pedasur aajapɔɔn Gamaliel 9 Benjaminn Gideoni aajapɔɔn Abidann 10 Dann Amisadai aajapɔɔn Ahieser 11 Aser Okrann aajapɔɔn Pagiel 12 Naftali Enann aajapɔɔn Ahira Bi mɔmɔk aah nan joo ni baapiin i na nan ye ipiin baan la; bi nan joo ni tikunabr aasambil li aanyunyuun ga pii ndibim kuruwaa ubaa ni ligeln na, ni tikunabr aasapeek kibaa, kaanyunyuun ga pii ndibim kuruwaa ubaa, ki ŋeer bitotoorb aah siin pu na, ni mɔmɔk nilee nan gbii n‑yon mu bi di nkpan buun mu na. Ni nan ye njikaabim aatork aapiin la; ki kpee salmaa aasambil li aanyunyuun ga pii ndibim lichakpaal libaa na, li mu nan gbii tulalee aayon la; ni unaaja ubaa, ni upihja ubaa, ni libiln libaa aapihbo, bi di toor kitork ki bi joo seer mmii ni na; ni uŋoob bi di toor titunwanbir aatork, ni inaaja ilee, ni ipihja iŋmu, ni iŋoja iŋmu, ni libiln libaa aapihbi iŋmu, bi di toor kimɔbaan aatork.

Nkahm 7:12 ပူးပေါင်းရင်းမြစ်များ

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 35:23

Lea aabim le nan ye Rubenn, Jakob aajan aabijabo, ni Simeonn, ni Liifai, ni Juda, ni Isakar, ni Sebulunn.

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Mpiin 49:8

Sin Juda, aate aabim ga nyuŋ si. Aa ga li joo aaŋaal le chur saadim aaneen ni. Aate aabim ga gbaan aanimbiin ni.

Nkahm 1:5

Bijab bimina le nan ye bisalolm bi nan bi baanibol ni, aan bi nyan bi baanib ponn ni, ke bi ter lituln ngbaan ni na: Linibol Ntaŋaal Aasaloln Rubenn Sedeur aajapɔɔn Elisur Simeonn Surisadai aajapɔɔn Selumiel Juda Aminadab aajapɔɔn Nasonn Isakar Suar aajapɔɔn Netanel Sebulunn Helonn aajapɔɔn Eliab Efraim Amihud aajapɔɔn Elisama Manase Pedasur aajapɔɔn Gamaliel Benjaminn Gideoni aajapɔɔn Abidann Dann Amisadai aajapɔɔn Ahieser Aser Okrann aajapɔɔn Pagiel Gad Dewel aajapɔɔn Eliasaf Naftali Enann aajapɔɔn Ahira

Nkahm 10:14

Bi yaa nan chuun cha kan, bi nan paa tɔb pu kina la. Juda aanibol, ni ŋinibol ŋi kpee li pu ki bi baatuutaa taab na, le nan pue loln nsan, ŋigetek ŋigetek, le Aminadab aajapɔɔn Nasonn nan ye usaloln bi pu.

Nkahm 2:3

Liwipuul wɔb, bi ye Juda aanibol, ni ŋinibol ŋi kpee li pu na aanib bi kpaan ki kpa baatuutaa na aah ga kal ŋigetek ŋigetek baasalolm chee pu na le paa na: Juda aanibol aasaloln—Aminadab aajapɔɔn Nasonn—waajab nan ye ŋichur imonko itaa ni kipiik ni ŋinaa, ni ikui iloob Isakar aanibol aasaloln—Suar aajapɔɔn Netanel—waajab nan ye ŋichur piiŋmu ni ŋinaa, ni ikui inaa Sebulunn aanibol aasaloln—Helonn aajapɔɔn Eliab—waajab nan ye ŋichur piiŋmu ni ŋilole, ni ikui inaa Baah nan kpaan ki ti saa pu na sɔ: ŋichur nkub ni imonko inaa ni ŋiloob, ni ikui inaa. Juda aanibol, ni ŋinibol ŋi kpee li pu na, le ga li ye bisalolm.

Nkahm 7:11

le Uwumbɔr nan ki bui Moses ke, “Tuk bisalolm ngbaan ke bi mɔmɔk li joo ni baapiin nwiin mubaabaa ki ti saa iwiin kipiik ni ilee, naah ga di kitork aabimbiln tii mi na pu.”

Matiu 1:4

Ram mu ma Aminadab, Aminadab mu ma Nasonn, Nasonn mu ma Salmonn,

Tibɔnyaan ti Luk ŋmee ti na 3:32

Ubɔr David mu nan ye Jese aajapɔɔn, Jese mu nan ye Obed aajapɔɔn, Obed mu nan ye Boas aajapɔɔn, Boas mu nan ye Salmonn aajapɔɔn, Salmonn mu nan ye Nasonn aajapɔɔn,