Nkahm 7:11 - Uwumbɔr aagbaŋ

¹¹ le Uwumbɔr nan ki bui Moses ke, “Tuk bisalolm ngbaan ke bi mɔmɔk li joo ni baapiin nwiin mubaabaa ki ti saa iwiin kipiik ni ilee, naah ga di kitork aabimbiln tii mi na pu.”

Nkahm 7:11 ပူးပေါင်းရင်းမြစ်များ

Nkahm 7:10

Bisalolm ngbaan nan ki joo ni ipiin ki nan nyuŋ kitork aabimbiln ki di li tii Uwumbɔr. N‑yoonn mu bi gor ke bi tii ipiin ngbaan libimbiln pu na,

Nkahm 7:12

Bi mɔmɔk aah nan joo ni baapiin ki paa tɔb pu pu na sɔ: Linibol Usaloln 1 Juda Aminadab aajapɔɔn Nasonn 2 Isakar Suar aajapɔɔn Netanel 3 Sebulunn Helonn aajapɔɔn Eliab 4 Rubenn Sedeur aajapɔɔn Elisur 5 Simeonn Surisadai aajapɔɔn Selumiel 6 Gad Dewel aajapɔɔn Eliasaf 7 Efraim Amihud aajapɔɔn Elisama 8 Manase Pedasur aajapɔɔn Gamaliel 9 Benjaminn Gideoni aajapɔɔn Abidann 10 Dann Amisadai aajapɔɔn Ahieser 11 Aser Okrann aajapɔɔn Pagiel 12 Naftali Enann aajapɔɔn Ahira Bi mɔmɔk aah nan joo ni baapiin i na nan ye ipiin baan la; bi nan joo ni tikunabr aasambil li aanyunyuun ga pii ndibim kuruwaa ubaa ni ligeln na, ni tikunabr aasapeek kibaa, kaanyunyuun ga pii ndibim kuruwaa ubaa, ki ŋeer bitotoorb aah siin pu na, ni mɔmɔk nilee nan gbii n‑yon mu bi di nkpan buun mu na. Ni nan ye njikaabim aatork aapiin la; ki kpee salmaa aasambil li aanyunyuun ga pii ndibim lichakpaal libaa na, li mu nan gbii tulalee aayon la; ni unaaja ubaa, ni upihja ubaa, ni libiln libaa aapihbo, bi di toor kitork ki bi joo seer mmii ni na; ni uŋoob bi di toor titunwanbir aatork, ni inaaja ilee, ni ipihja iŋmu, ni iŋoja iŋmu, ni libiln libaa aapihbi iŋmu, bi di toor kimɔbaan aatork.

1 Korenti 14:33

Uwumbɔr aa ban kifuuk, u ban suuna la.

1 Korenti 14:40

Ni mu li ŋani tiwan mɔmɔk, ni li dii nsan.

Kolosiya 2:5

Maawon aa bi ni chee, le maalandak bi ni ni. Naah gaa Kristo ki kii mbamɔm ki dii waasan mu mbamɔm na, nima le m kpa mpopiin sakpen.