Nkahm 7:1 - Uwumbɔr aagbaŋ

¹ Nwiin mundaal Moses nan doo Uwumbɔr Aabool aatuln na, u nan di nkpan meen Libool ngbaan, ni laawan mɔmɔk, ni kitork aabimbiln, ni laawan mɔmɔk, ki di ni tii Uwumbɔr.

Nkahm 7:1 ပူးပေါင်းရင်းမြစ်များ

Mpiin 2:3

Uwumbɔr nan ŋa tinyoor ŋa winlole daal pu ki ŋa mu chain, ba pu? waah nan naan dulnyaa aawan mɔmɔk doo na, liyaadaal ngbaan le u kal ki fuur.

1 Bibɔrb 8:64

Liyaadaal baan ngbaan le u nan toor lichiln aakaasisik ni, ni bi Uwumbɔr Aadichal aabisamɔb chee na, le ki toor kitork ki bi joo seer mmii ni na nima chee, ki kpee njikaabim aatork, ni tiwakor ti bi kɔr kimɔbaan aatork ni na aakpan. Tikumann aatork aabimbiln na nan par ke u di kitork ngbaan mɔmɔk aanann see mmii ni li pu, nima le cha u nan ŋa kina.

Nnyam 13:2

“Ni di njan aabijabim tii mi; Israel yaab aah ma njan aabijabim bi na, ni baawakor aajan aabim mɔmɔk ye min yaan la.”

Nnyam 29:36

Idaa mɔmɔk kan, aa ti kɔr unaaja ubaa ki toor chapinn aatork. Nima le ga cha kitork aabimbiln ngbaan ŋa chain, le aa nin di olif aakpan meen li, li ŋa min Uwumbɔr yaan.

Nnyam 40:11

Ni ki kpee na, ŋa lisambil li bi ŋir biŋaal li ponn ni na mu kina, ki di tii mi.

Nkahm 17:2

“Tuk Israel aanib ke bi ban ŋidabil kipiik ni ŋilee tii ni si, linibol mɔmɔk aayidaan li joo ni libaabaa. Aa ŋmee uyidaan mɔk aayimbil paan waadabil pu,

Nkahm 7:10

Bisalolm ngbaan nan ki joo ni ipiin ki nan nyuŋ kitork aabimbiln ki di li tii Uwumbɔr. N‑yoonn mu bi gor ke bi tii ipiin ngbaan libimbiln pu na,

Nkahm 7:84

Bisalolm kipiik ni bilee ngbaan aah nan joo ni baapiin i na aah nan ti kpaan saa pu na sɔ: —Tikunabr aasambil kipiik ni ŋilee, ni tikunabr aasapar kipiik ni tilee, naanyunyuun ga nan pii ndibim kuruwaa moninko ni bilee. —Salmaa aasambil kipiik ni ŋilee, ŋaanyunyuun ga nan pii ndibim kuruwaa ubaa ni ligeln, tulalee aayon le nan gbii ŋi ponn ni. —Inaaja kipiik ni ilee, ni ipihja kipiik ni ilee, ni libiln libaa aapihbi kipiik ni ilee, ki kpee njikaabim aapiin i bi ga di kpaan, ni li ye kitork ki bi ga di see mmii ni na aapiin. —Iŋoob kipiik ni ilee, bi di toor titunwanbir aatork. —Inaaja moninko ni inaa, ni ipihja imonko itaa, ni iŋoob imonko itaa, ni libiln libaa aapihbi imonko itaa, bi di toor kimɔbaan aatork.

Matiu 23:19

Nimi bijoom, nilani jer niken, ipiin ngbaan le aan Uwumbɔr aatork aabimbiln li ŋa ipiin ngbaan chain na?