Nkahm 6:9 - Uwumbɔr aagbaŋ

⁹ Unii le yaa kpaan kpo kina aanii u di ubaa tii Uwumbɔr na aanimbiin ni, ki cha u kpaln tijɔŋdaan, aan uyikpir bii kan, u li kii ki ti saa iwiin ilole daal aan ki nin kuu uyikpir ni ulangbaln, n‑yoonn ngbaan na, u ki kpaln chain aanii le na.

Nkahm 6:9 ပူးပေါင်းရင်းမြစ်များ

Esekiel 44:27

aan u nin koo Maadichal aachinbik ni, ki ti toor kitork ki ŋa ubaa chain, aan ki nin ki ŋmaa tun Maadichal ponn ni aatuln. Min Dindaan Uwumbɔr le len kina.

Liifai Yaab 14:8

Le udaan ngbaan finn waawanpeenkaan, ki kuu waakor mɔmɔk aan ki fu nnyun; le kitork ngbaan ga ŋa u chain. U yaa kun linampal kan, u taa koo waadichal ni, u li bi lipaal ki tii saa iwiin ilole.

Liifai Yaab 14:9

Winlole daal kan, u ki gir kuu uyikpir, ni ulangbaln, ni tinimbikee, ni tikor timɔk bi uwon pu na; u ki finn waawanpeenkaan mɔmɔk ki fu nnyun le ki nin ŋa chain.

Nkahm 6:18

Uwumbɔr aanimbiin ni, Waabool aabisamɔb chee, kina aanii ngbaan ga kuu uyikpir ki di ti ŋa kimɔbaan aatork aamii na ponn ni.

Nkahm 6:8

Buyoonn u nyan ubaa siin kina aasisii na, u ye Uwumbɔr aanii la.

Lituln 18:18

Pɔɔl nan bi Korint aatiŋ ni ki yunn. Waah bi nima ki yunn na, le u chɔi Yesu aanib. Le u ni Prisila ni Akuila buen Senkrea aatiŋ ni. Pɔɔl aah ti bi nima na, le u kuu uyikpir lii. Ni mɔk ke waah nan puu tipuur ti tii Uwumbɔr na le na. Le bi nan ti koo buŋɔb ni, ke bi puur nnyusakpem na ki buen Siria aatim ponn ni.

Lituln 21:27

Tɔ, iwiin ilole ngbaan aa nan kee fuu, le Juu yaab bibaa, bi nyan ni Asia aatim ni na, kan Pɔɔl Uwumbɔr Aadichal ni. Le bi cha kinipaak ŋma tijar Pɔɔl pu, ki chuu u mpɔɔn, ki tar ke,

Ikaal 21:12

aa di u buen aado ki ti cha u kuu uyikpir, ki wur uŋanbinyanyar,