Nkahm 6:5 - Uwumbɔr aagbaŋ

⁵ Buyoonn u ti puu kina aapuur na, u taa kuu uyikpir. Waah puu tipuur ki di ubaa tii Uwumbɔr na, u cha uyikpir ni ulangbaln aakor li bi, u taa kuu ti.

Nkahm 6:5 ပူးပေါင်းရင်းမြစ်များ

Esekiel 44:20

“Bitotoorb taa kuu biyikpir, ki mu taa cha ti li fɔk sakpen. Bi li chee ti pu aan ti ŋeer.

Nkahm 6:4

Buyoonn u nyan ubaa siin kina aasisii na, u taa ji tiwan nimɔk bi di ndaan aasubil ŋa ni na, u taa ji ndaan aasubil aawan ni ye libil bee tipɔkr na.

Lituln 18:18

Pɔɔl nan bi Korint aatiŋ ni ki yunn. Waah bi nima ki yunn na, le u chɔi Yesu aanib. Le u ni Prisila ni Akuila buen Senkrea aatiŋ ni. Pɔɔl aah ti bi nima na, le u kuu uyikpir lii. Ni mɔk ke waah nan puu tipuur ti tii Uwumbɔr na le na. Le bi nan ti koo buŋɔb ni, ke bi puur nnyusakpem na ki buen Siria aatim ponn ni.

Bibɔjirb 13:5

le aa yaa nan ma aajapɔɔn ngbaan kan, aa li nyi ki taa di kijuk meeh uyikpir, ba pu? ki nya nwiin mundaal aa ma u na, u ga li ye Uwumbɔr yoo le ki tun waatuln. Uma le ga piin ki nyan Israel aanib Filistia yaab aaŋaal ni.”

Bibɔjirb 16:17

Baah ma mi bundaal na, le bi di mi tii Uwumbɔr ke m li tun waatuln ki taa nyu ndaan mubaa. Bi yaa chee maayikpir pu kan, m ga diŋ ke unii mɔmɔk aah bi pu na la.”

Bibɔjirb 16:19

Delila nan pai Samsonn u ti geen utaa pu, le u yin uja ubaa, le u nan chuu gii nyan Samsonn aah pal uyikpir nfum mulole pu pu na. N‑yoonn ngbaan le Delila piin ki bi muk u, le waa nan ki kpa mpɔɔn.

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”