Nkahm 6:20 - Uwumbɔr aagbaŋ

²⁰ Ni paa na, utotoor di tiwan ngbaan mɔmɔk tii Uwumbɔr, ni li ye ipiinkpaan yaan; ni ye chain aapiin ki ye utotoor yaan, ki kpee upihja ngbaan aabingbaal ni litaajal pu. Ni ye nkaal le ke ni li ye utotoor yaan. Nee aapuwɔb na, kina aanii ngbaan ga ŋmaa nyu ŋisubil aadaan.

Nkahm 6:20 ပူးပေါင်းရင်းမြစ်များ

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Liifai Yaab 10:15

N‑yoonn mu bi ti ban bi di nkpan see mmii ni ki tii Uwumbɔr aan ni ye tijikaar aatork na, bi li joo ni litaajal ni libingbaal mu. Uwumbɔr aah mɔk pu na, aa ni saamaal le yeh litaajal ni libingbaal aanann, ki cha n‑yoonn mu kaa kpa ndoon na.”

Liifai Yaab 23:11

Le u ga di ti tii Uwumbɔr, ti li ye ipiinkpaan, aan nima kan, Uwumbɔr ga gaa nimi ti pu. Likpaakool daal yaa jin ki woln kan, le utotoor ga di ti toor kitork tii Uwumbɔr.

Liifai Yaab 7:30

U li joo ni tiwan ngbaan uŋaal ponn ni, ni li ye tijikaar aapiin. U li joo ni kiwakork ngbaan aakpan ni libingbaal, ki nan di tii Uwumbɔr ipiinkpaan.

Liifai Yaab 7:31

Utotoor di nkpan ngbaan see mmii ni, libimbiln paab, aan bitotoorb li joo libingbaal libaa.

Liifai Yaab 7:32

Kiwakork ngbaan aaŋangii aataajal ye tootookpaan la.

Liifai Yaab 7:34

Kiwakork ngbaan aabingbaal ni ŋŋangii aataajal ye ipiinkpaan la, le Uwumbɔr gaal i Israel yaab chee ki joo tii bitotoorb. Israel yaab li joo tinann tee tii bitotoorb n‑yoonn mɔmɔk.

Liifai Yaab 9:21

le ki di ŋibingbaa ni ŋŋangii aataajal tii Uwumbɔr ipiinkpaan, le ki nin giin ni tii bitotoorb, ke Moses aah nan tuk u pu na.

Sekaria 10:7

Israel aanib ga li pɔɔ ke butɔb aajab na la, ki ga li kpa mpopiin ke binib bi bi nyu ndaan na. Biyaabitiib ga nan teer linyaŋ lee pu, le Uwumbɔr aah ŋa pu tii bi na, bi ga li kpa mpopiin.

Sekaria 9:15

Uwumbɔr Mpɔɔnsakpiindaan ga li kii waanib, le bi ga kuln baadim. Bi ga li tar butɔb ni ke bidagbiib na la, le ki cha baadim aasin nya; mu ga li puu ke kitork aasin mu bi teŋ lisambil ni ki di kpir kitork aabimbiln paab na la.

Sekaria 9:17

Baanyaan ga nyaŋ. Tijikaar ni ŋisubil aadaan ga tii binib bi laa diin na mpɔɔn.

Nkahm 18:18

Tiwakor ngbaan aanann ti gur na ye sin yaan la, ke libingbaal ni ŋŋangii aataajal, ŋi ye ipiinkpaan aatork na, aah ye sin yaan pu na.

Nkahm 5:25

utotoor ngbaan ga chuu gaa n‑yon mu upii ngbaan joo uŋaal ni na, ki li joo mu uŋaal ni, ki di mu tii min Uwumbɔr, kitork aabimbiln paab.

Nkahm 6:21

Kina aanib aah ga li dii pu na le na, le u yaa puu tipuur ke u ga tii ipiin i chaar jer waapɔɔn na kan, see u pɔɔn ubaa ki ŋa waah puu pu na.

Matiu 26:29

M tuk nimi la, maan ki nyu ŋisubil aanyun ngbaan, ki ti saa bundaln m ni nimi ga kpaan nyu mu nsanpɔɔn ni, Nte Uwumbɔr aanaan ni na.”

Tibɔnyaan ti Mak ŋmee ti na 14:25

M tuk nimi mbamɔn la, maan ki nyu ŋisubil aanyun ngbaan ki ti saa bundaln m ga ti nyu ŋisubil aanyunpɔm Uwumbɔr aanaan ni na.”

Jɔnn 19:30

Waah moor ni na, le u bui ke, “Maatuln doo a,” le ki gaa tiin, ki cha waawiin nyan, le u kpo.