Nkahm 6:12 - Uwumbɔr aagbaŋ

¹² ki ki nyan ubaa tii Uwumbɔr. Waah nan nyan ubaa njan pu aan ki meeh linikpol ki bii ubaa na, nima aa ki ye nibaa, ba pu? waayikpir ti u nan di tii Uwumbɔr na nan kpaln tijɔŋ. U ki li joo ni libiln libaa aapihbo ki nan toor lipɔln aatork.

Nkahm 6:12 ပူးပေါင်းရင်းမြစ်များ

Nnyam 12:5

Ni ga ŋmaa nyan upihjabo, bee uŋojabo; kiwakork ngbaan mu li ye libiln libaa aawakork, ki taa li kpa iween ibaa.

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Liifai Yaab 14:24

Utotoor ga di upihjabo ni olif aakpan, ni ye ipiinkpaan na, ki di tii Uwumbɔr; utotoor yeh tiwan ngbaan.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Liifai Yaab 5:7

U yaa kaa kpa upihsal, bee uŋosal kan, u li joo ni ŋinanjel ŋilee, bee ŋibɔrnanjel ŋilee, ki nan toor kitork tii Uwumbɔr; u di libaa toor titunwanbir aatork, ki di liken na toor kitork ki bi joo seer mmii ni na aatork.

Nkahm 6:11

Utotoor ga di libaa toor titunwanbir aatork, ki di liken na toor ki see li mmii ni, ki ŋaŋ u waah meeh linikpol pu na. Liyaadaal ngbaan unii ngbaan ga ki di waayikpir ti ga ki pa na giin tii Uwumbɔr,

Nkahm 6:13

N‑yoonn mu kina aanii ti ŋa waah puu pu na, see u toor ki woln ubaa pu. U ga li joo ni tiwakor titaa ti kaa kpa ngalm mubaa na, ki di buen Uwumbɔr aanimbiin ni, Waabool aabisamɔb chee,

Matiu 24:13

Unii umɔk ji limɔr ki dii mi ki ti saa limɔfal aadoon na, uma le ga ŋmar.

Matiu 3:15

Le Yesu bui u ke, “Kii kina n‑yoonn mue. Ni ŋan ke ti ŋa Uwumbɔr aah ban pu na mɔmɔk.” Le Jɔnn kii ki muin u nnyun ni.

Jemisi 2:10

Unii yaa bii nkaal mubaa baanja kan, u bii ikaal mɔmɔk le na.

2 Jɔnn 1:8

Li nyi man, taa cha nimi aatuln bee yɔli. M ban ke ni kan naah tun lituln li na aapiin mɔmɔk la.