Nkahm 5:18 - Uwumbɔr aagbaŋ

¹⁸ Utotoor yaa ŋa kina doo kan, u ga finn upii ngbaan aayikpir, aan ki di n‑yon na ŋa upii ngbaan aaŋaal ni. Utotoor ubaa li joo lisambil li kpa nnyun mu cho na uŋaal ni, muma le ye imɔpuur.

Nkahm 5:18 ပူးပေါင်းရင်းမြစ်များ

Ŋiyataŋak 5:4

le waah ga moor aamɔb pu na ga li ŋar ke olif aakpan na, tɔ, li nyi tiwan ni ga dan nee aapuwɔb na, mpombiin ni iween le u ga di tii si buyoonn ni ti doo na.

Ulandaan 7:26

M nan bee ke upii u kaa ŋan na cho jer nkun. Ngeehm mu u ga di tii si na ga chuu si ke gaawɔb, bee kipɔɔk aah ga chuu si pu na la. Le uŋaal aah kpal si pu na ga chuu si ke tikululn na. Uja u Uwumbɔr aasui piin u pu na ga ŋmar u chee, le u ga chuu utunwanbirdaan ma.

Aisaya 38:17

Nsui aah bii pu na ga kpaln nsuudoon la. Aa nyan mi tibɔbir mɔmɔk ni; aa di maatunwanbir cha pinn mi a.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Liifai Yaab 13:45

Unii u kpa tiwon aaween i bir na li peeni tikekekpir, ki taa chaa uyikpir, ki di likekeln biin umɔb wɔb, aan ki li tar mpɔɔn pu ke, “Maah bi chain, maah bi chain.”

Nkahm 5:15

uja ngbaan di upuu ngbaan buen utotoor chee. U li joo ipiin i ye n‑yon na kuruwaa ubaa, u taa di olif aakpan ŋa mu ponn ni, ki taa di tulalee aayon mu ŋa mu ni; ba pu? ni ye uchal aah dak pu na, le u ban mbamɔn nya mpaan pu.

Nkahm 5:17

ki bar min Uwumbɔr aah ŋa nnyun mu chain na, ŋa tiyakr aasambil ni, aan ki ban min Uwumbɔr Aabool ponn ni kitiŋ aatan, ki di nnyun buun ti, aan mu li cho.

Nkahm 5:19

Utotoor ga cha upii ngbaan puu ki len tibɔr ti uma utotoor ngbaan ga len na ke: ‘Aa yaa kaa tun kidagook aatuln kan, nnyun mue taa joo ni tibɔbir aa pu.

Nkahm 5:22

U cha nnyun mue koo aaponn ni, aan ni duun, ki cha aanimbiin ni bii, aa taa ki ŋmaa maa ubo.’ “Upii ngbaan kii, ki len ke, ‘M kii. Uwumbɔr cha ni ŋa kina.’

1 Korenti 11:15

Upii mu yaa kpa tiyikpir fɔfɔk kan, waanyaan le na. Ba pu? Uwumbɔr tii bipiib tiyikpir fɔfɔk ti li bii bi pu la.

1 Korenti 11:6

Upii yaa kaa buu kiyibubuuk kan, ni kpa inimɔɔn ke waah chee tiyikpir le na. Upii u chee tiyikpir, bee u chuu kuu tiyikpir na, ni kpa inimɔɔn. U yaa kaa buu kiyibubuuk kan, ni mu kpa inimɔɔn. Nima pu na, ni ŋan ke u buu kiyibubuuk.

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

1 Samuel 15:32

Le Samuel bui u ke, “Li joo ni man Ubɔr Agag m chee do.” Le Agag u bi nan buu u tikululn na dan u chee, ki nan bi dakl usui ni ke, “Bi ga ku mi dandana wee ee?”