Nkahm 5:15 - Uwumbɔr aagbaŋ

¹⁵ uja ngbaan di upuu ngbaan buen utotoor chee. U li joo ipiin i ye n‑yon na kuruwaa ubaa, u taa di olif aakpan ŋa mu ponn ni, ki taa di tulalee aayon mu ŋa mu ni; ba pu? ni ye uchal aah dak pu na, le u ban mbamɔn nya mpaan pu.

Nkahm 5:15 ပူးပေါင်းရင်းမြစ်များ

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

Esekiel 21:23

Jerusalem yaab aah ŋa kimɔbaan ŋitimbol ŋiken chee pu na, baan dakl ke kina ga ŋmaa ŋa. Tɔ, tibɔr timina ga teer bi baatunwanbir pu, le ki sak bi ke bidim ga chur bi tinaagbiir.

Esekiel 29:16

Israel aatimbol aan ki nyii bi pu daalbaadaal ki ban nterm. Ijipt aabimbin ngbaan le ga teer Israel yaab naah kaa ŋan pu ke bi nyii bi pu ki ban nterm na. N‑yoonn ngbaan le Israel yaab ga bee ke min le ye Bidindaan Uwumbɔr.”

Hosea 3:2

Le m nan pan tikunabr aamombil kipiik ni ŋiŋmu, ni njikaabim kuruwaa nkub ni piiŋmu u pu.

Liifai Yaab 1:2

Israel yaab yaa ban bi toor kitork kan, baah ga ŋa pu na sɔ: N‑yoonn mu unii ubaa yaa ti ban u di kiwakork toor kitork na kan, u cha ni li ye waanaa, bee waapiih, bee waaŋoob ponn ni nibaa.

Liifai Yaab 2:1

N‑yoonn mu unii ubaa yaa ban u tii Uwumbɔr njikaabim aapiin na kan, u pue nan njikaabim ngbaan mu ŋa n‑yon. U ban nkpan ni tulalee aayon paan mu pu.

Liifai Yaab 5:11

U yaa kaa kpa ŋinanjel ŋilee, bee ŋibɔrnanjel ŋilee kan, u ban ni n‑yon kuruwaa ubaa ki nan tii Uwumbɔr waatunwanbir aapiin. U taa di olif aakpan, bee tulalee aayon paan n‑yon ngbaan pu; ba pu? ni ye titunwanbir aapiin la, naa ye tijikaar aapiin.

Nkahm 5:16

“Utotoor ga nyan ni upii ngbaan siin, min Uwumbɔr aanimbiin ni, kitork aabimbiln chee,

Hiibru Yaab 10:3

Naah ye pu na, kitork ngbaan teer bi baatunwanbir pu, libiln mɔmɔk la.