Nkahm 4:5 - Uwumbɔr aagbaŋ

⁵ Uwumbɔr nan tuk Moses baah ga li tun lituln li na. “N‑yoonn mu ni ti ŋeer ke ni fii ki buen nibaa chee na kan, Aaronn ni ujapɔtiib koo Maabool ponn ni, ki chuu nyan likekeln li bi Uwumbɔr Aakaal Aadakaa chee na, ki di li biin Dakaa ngbaan pu.

Nkahm 4:5 ပူးပေါင်းရင်းမြစ်များ

1 Bibɔrb Aabɔr 15:15

Liifai yaab ngbaan nan tun u idɔ pu, bibɔgbin pu, ke Uwumbɔr aah nan mɔk Moses pu na.

1 Bibɔrb Aabɔr 23:26

Kina pu na, Liifai yaab aan ki li chuun tu Uwumbɔr Aabool, ni tiwan ni ti joo dooni u na.”

2 Bibɔrb Aabɔr 3:14

Chain Chain Aapepel ni aakekeln nan ye ŋitanyaan aakekeln li bi di ŋitan ŋi ye nsiin, ni mbɔmbɔm, ni ŋimaman ŋa li na, le ki naan ifeen aawan ŋa li pu.

Nnyam 36:35

Bi nan di ŋitanyaan ŋi bi di ipiih aakobɔnn, ni timann, ni nsiin luu ŋi na, ki di ŋa likekeln, le ki gbaŋ, ki naan tiwan ni kpa ifeen na li pu.

Nnyam 40:3

Aa di Dakaa u ponn ni Ikaal Kipiik bi na siin Libool ngbaan ni, ki di likekeln gbin u chee.

Nnyam 40:5

Aa di salmaa aatork aabimbiln li bi seer tulalee aayon li pu na siin Uwumbɔr Aakaal Aadakaa chee, aan ki di likekeln gbin Libool ngbaan aabisamɔb.

Aisaya 25:7

Nima chee le u ga kpaan nyan mpombiin mu bii ŋitimbol ngbaan mɔmɔk pu na.

Liifai Yaab 16:2

le Uwumbɔr len Moses chee ke, “Bui aakpel Aaronn ke u taa li koo Chain Chain Aapepel ni, nin chee likekeln gii Libool ngbaan ni na yɔl yɔl, see n‑yoonn mu u ga koo ni ponn ni na ti fuu, ba pu? nima chee le m bi ntaalangbam ni, Maakaal Aadakaa aabiil aapaacham. U yaa yii ki koo kan, u ga kpo.

Nkahm 10:14

Bi yaa nan chuun cha kan, bi nan paa tɔb pu kina la. Juda aanibol, ni ŋinibol ŋi kpee li pu ki bi baatuutaa taab na, le nan pue loln nsan, ŋigetek ŋigetek, le Aminadab aajapɔɔn Nasonn nan ye usaloln bi pu.

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 4:4

Baatuln le ye ke bi li lik tiwan ni m ŋa ni chain na.”

Nkahm 7:9

Moses aa nan tii Kohaf yaab tɔroku ni inaaja, ba pu? bima nan joo tiwan nimɔk nan bi chain na buŋni bibɔgbin pu la.

Matiu 27:51

N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.

Ikaal 31:9

Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.

Hiibru Yaab 10:20

Yesu aah di ubaa toor kitork tii Uwumbɔr na, u nyan tiwan nimɔk nan bi ti ni Uwumbɔr aakaasisik ni na, ki tii timi nsanpɔɔn mu ye nsanbamɔnn na, ke ti koo ni Uwumbɔr aah bi nin chee na.

Hiibru Yaab 9:3

Bi nan di likekeln gii libool ngbaan ponn ni lipepel libaa wɔb, ki yin li ke chain chain.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.