Nkahm 4:15 - Uwumbɔr aagbaŋ

¹⁵ Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 4:15 ပူးပေါင်းရင်းမြစ်များ

2 Samuel 15:24

Utotoor Sadok, ni Liifai yaab bi nan tu Uwumbɔr Aakaal Aadakaa na nan bi nima. Bi nan tur u siin kitiŋ, kaa ki yoor u aan binib ngbaan mɔmɔk ti nyan kitiŋ ngbaan ni. Utotoor Abiatar mu nan bi nima.

2 Samuel 6:13

Bijab bi nan tu Uwumbɔr Aakaal Aadakaa ngbaan na aah nan yoor ŋitaa ti pii ŋitaa ŋiloob na, le David cha bi sil, le u di unaaja, ni unaabo u bi kpiin u, u filk na, toor kitork tii Uwumbɔr nima.

1 Bibɔrb 8:3

Bisalolm ngbaan mɔmɔk aah nan kuun na, le bitotoorb yoor Nkaal Aadakaa na,

1 Bibɔrb Aabɔr 15:15

Liifai yaab ngbaan nan tun u idɔ pu, bibɔgbin pu, ke Uwumbɔr aah nan mɔk Moses pu na.

1 Bibɔrb Aabɔr 15:2

le ki bui ke, “Liifai yaab baanja le ga tun Uwumbɔr Aakaal Aadakaa ngbaan, bima le Uwumbɔr nan lee ke bi li tui ki tun waatuln ki ti saa n‑yoonn mu kaa kpa ndoon na.”

1 Bibɔrb Aabɔr 23:26

Kina pu na, Liifai yaab aan ki li chuun tu Uwumbɔr Aabool, ni tiwan ni ti joo dooni u na.”

Nnyam 19:12

Lur nkuul mann gonn lijool ngbaan, aan binib ngbaan taa lakr mu jer, ki tuk bi ke bi taa jon lijool ngbaan paab, ki taa duun nima chee. Unii ubaa yaa taa nima chee kan, ni ku u,

Nnyam 19:21

le Uwumbɔr ti bui u ke, “Sunn ki tuk binib ngbaan ke bi taa lakr nkuul na pu jer ke bi nan lik mi; bi yaa ŋa kina kan, pam le ga kpo.

Nnyam 27:7

aan ki di i ŋa ibuen i baa ŋimɔgben pu na, aan ki li joo yoor libimbiln ngbaan.

Liifai Yaab 16:13

Uwumbɔr aanimbiin ni, nima chee, u di tulalee aayon ngbaan paan mmii pu, lisambil ni, le iŋmanyuu ga fii biin Uwumbɔr Aakaal Aadakaa aabiil pu, nima kan, waan kan libiil ngbaan, ki kpo.

Nkahm 1:50

Di Maabool li m bi li ponn ni na, ni laawan mɔmɔk aatuln, di tii Liifai yaab bi li tun. Bima le ga li tui laawan mɔmɔk, ki li tun lituln li ponn ni, ki kal gob li.

Nkahm 1:51

N‑yoonn mumɔk ni ti fii ki cha na kan, Liifai yaab le ga kpab Libool ngbaan aawan mɔmɔk, le ki ti ki gaa Libool ngbaan nimi aakakaapɔɔn chee. Unii umɔk dan li chee, kaa ye Liifai yaab ponn ni na kan, u ga kpo la.

Nkahm 10:21

Liifai yaab bi ye Kohaf aataŋaal ni aanib na mu ga paan, ki tu Uwumbɔr aah ŋa tiwan ni chain na. N‑yoonn mu bima ti fuu nkakaa chee na mui bi ki gaa Uwumbɔr Aabool ngbaan a.

Nkahm 18:3

Liifai yaab ga li ter si la, le ki tun Libool na ni aatuln. Tɔ, baa kpa nsan bi meeh tiwan nimɔk bi chain ki bi Chain Aapepel na ponn ni, bee kitork aabimbiln. Bi yaa ŋa kina kan, bi ni si ga kpo.

Nkahm 3:38

Moses, ni Aaronn, ni ujapɔtiib le nan ye bi ga kal Uwumbɔr Aabool ngbaan aabisamɔb wɔb, liwipuul wɔb na. Bima le nan lik ki tun lituln mɔmɔk Chain Aapepel ni, ki tii Israel aanib. Unii u mu ki pɔɔn ubaa ke u tun lituln ngbaan na kan, u ga kpo la.

Nkahm 4:14

Bi di tiwan ni ye mmii aasambil, ni inanmoon, ni tiwan ni bi joo leer mmii ki faa nfatan na, ni ŋisambijal ŋimɔk bi joo tun lituln libimbiln ngbaan pu na di ŋa li ponn ni, aan ki di ngbanyaan biin ni pu, ki di ŋidabil ŋi bi joo yoor li na di ŋa ŋaabon ni.

Nkahm 4:19

duun ni tiwan ni m ŋa ni chain na chee ki kpoi. Naah ga kiir bi pu na sɔ: Aaronn ni ujapɔtiib le ga dii bi koo Maabool ngbaan ponn ni, le ki ti mɔk bi mɔmɔk baatuln, ni baah ga tun tiwan ni na.

Nkahm 4:20

Kohaf yaab yaa koo Maabool ngbaan ni ki ti kan bitotoorb aah bi gor tiwan ni m ŋa ni chain na kan, bi ga kpo.”

Nkahm 7:9

Moses aa nan tii Kohaf yaab tɔroku ni inaaja, ba pu? bima nan joo tiwan nimɔk nan bi chain na buŋni bibɔgbin pu la.

Ikaal 31:9

Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.