Nkahm 4:12 - Uwumbɔr aagbaŋ

¹² Bi di Chain Aapepel aasambil mɔmɔk poo likekeln bɔmbɔln ni, ki di ngbanyaan biin ŋi pu, aan ki di ŋi chɔŋ baah joo tiwan ni yoor ŋi na pu.

Nkahm 4:12 ပူးပေါင်းရင်းမြစ်များ

1 Bibɔrb Aabɔr 9:28

Liifai yaab biken na aatuln le nan ye ŋisambil ni tiwan ni bi joo tun lituln Uwumbɔr Aadichal ni na. Bima le nan nyan ni ni buyoonn bi ga di ni tun lituln na, le ki nan ki giin ni koon.

1 Bibɔrb Aabɔr 9:29

Biken mu le nan lik chain aawan niken na, ni n‑yon, ni ŋisubil aadaan, ni olif aakpan, ni tulalee aayon, ni tiwan nimɔk nu mɔ na.

2 Bibɔrb Aabɔr 4:11

Huram nan ki ŋa ŋibuu, ni tiwan ni bi joo faal nfatan na, ni ŋisambil. U nan ŋa Uwumbɔr Aadichal ni aawan, ni mɔmɔk u nan puu tii Ubɔr Solomonn ke u ga ŋa na. Nima le ye: Jaatɔlk tiib bilee na. Tiwanaankaan nilee ni nan bi ke lisambil ki tok jaatɔlk tiib ngbaan pu na. Tikululn aanyɔla nyɔla tiib bi nan bi tiwanaankaan ngbaan pu na. Tikumann aasubinaankee ikui inaa ŋi bi jaatɔlk tiib aanyɔla nyɔla pu na. Tɔroku tiib kipiik na. Tisapar kipiik na. Nkin sakpiin na. Nkin ngbaan aah nan tɔk inaaja kipiik ni ilee i pu na. Ŋibuu, ni tiwan ni bi joo faal nfatan na, ni inanmoon. Huram u ye uwanŋakpaan na nan di tikumann ti joon kpal kpal na le naan tiwan ngbaan mɔmɔk, Ubɔr Solomonn aah nan tuk u pu na, ke bi li joo tun lituln Uwumbɔr Aameen Aadichal ponn ni.

2 Bibɔrb Aabɔr 4:19

Ubɔr Solomonn nan ki cha bi di salmaa mu naan Uwumbɔr Aadichal ni aawan nibaa mu. Nima le ye kitork aabimbiln, ni teebul tiib bi pu bi joo Uwumbɔr aaboroboro paani na,

2 Bibɔrb Aabɔr 4:22

ni tiwan ni bi joo junni karyaa tiib na, ni nsambim mu bi joo moor mmii na. Bi nan di salmaa le naan tiwan nee mɔmɔk. Bi nan di salmaa le boon jaaleŋ tiib bi bi lipaal wɔb na, ni bi bi Chain Chain Aapepel aabisamɔi na.

Nnyam 25:5

ni ipihja aagbaman, ni igbanyaan, ni lisiijal aadɔ,

Nnyam 25:9

Maah ga mɔk nimi pu aan ni ŋa Libool ngbaan, ni tiwan nimɔk ga li bi li ponn ni na, ni piin kina ki ti saa naadoon.

Nnyam 31:10

ni bitotoorb aawanpeenkaanyaan ki tii Aaronn ni ujapɔtiib, bi li joo tun kitork aatuln,

Nkahm 3:8

Bima le ga gaa Maabool, ni tiwan nimɔk bi li ponn ni na aatuln, ki tun tii Israel yaab bi gur na.

Nkahm 4:11

“Ni paa na, bi di likekeln bɔmbɔln ki di biin salmaa aatork aabimbiln pu, ki di ngbanyaan poo biin li pu, aan ki di ŋidabil ŋi bi joo yoor li na ŋa ŋaabon ni.

Nkahm 4:13

Bi chuu faa nfatan kitork aabimbiln pu, ki di likekeln bɔmbɔln biin li pu.

Nkahm 4:6

Bi di ngbanyaan ki di poo u, ki di likekeln bɔmbɔln kpar biin upaacham, aan ki di ŋidabil ŋi bi joo yoor u na ŋa ŋaabon ni.

Nkahm 4:7

“Bi di likekeln bɔmbɔln kpar biin teebul u bi joo boroboro paani tii Uwumbɔr na pu, aan ki di ŋisambil, ni tulalee aayon aasambil, ni ipiin aasambil, ni ŋisubil aadaan aabobim ŋi bi joo tii Uwumbɔr ipiin na chɔŋ u pu. N‑yoonn mɔmɔk kan, boroboro li paa teebul ngbaan pu.

Nkahm 4:9

“Bi di likekeln bɔmbɔln biin baah joo karyaa tiib chɔŋni tiwan ni pu na, ni naakaryaa tiib pu, ni baah joo tiwan ni toor karyaa aapal na, ni baah joo karyaa taŋni tiwan ni ponn ni na, ni olif aakpan aawan mɔmɔk.