Nkahm 34:3 - Uwumbɔr aagbaŋ

³ Kitiŋ ngbaan aaŋangii wɔb ga dii kina ti nya Sinn aateersakpiin ni, ki dii Edom aatiŋ mɔk. Ki yoor liwipuul wɔb, nimi aatiŋ ga piin N‑yaan Aanyusakpem aadoon mɔk ŋŋangii wɔb la;

Nkahm 34:3 ပူးပေါင်းရင်းမြစ်များ

Mpiin 14:3

Bibɔrb biŋmu bee le nan kpokl tɔb, le baajab buen Sidim aafataŋ ni; dandana wee nnyusakpem mu bi yin mu ke N‑yaan Aanyun na le bi nima.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Esekiel 47:13

Tidindaan Uwumbɔr nan bui ke, “Kitiŋ ki ni ga di yakr tii ŋinibol kipiik ni ŋilee, aan Josef aanibol ma ga gaa nfum mulee pu na aatinaanmɔk sɔ.

Esekiel 47:8

U nan bui mi ke, “Nnyun mumina puu cha liwipuul wɔb, le ki ti lir Jɔɔdann Aafataŋ ni, ki nyan nima ti koo N‑yaan Aanyusakpem ni. Nima chee le mu ti gaa n‑yaan aanyun mu bi nnyusakpem ngbaan ni na, ki ye nnyunbamɔm.

Nkahm 13:21

Nima pu na, bijab ngbaan nan siir buen, ki dii ŋŋangan wɔb, ki mann kitiŋ ngbaan, ki ti nyan Sinn Aateersakpiin ni, ŋŋangii wɔb, ki di kina ti nyan Rehob aatiŋ pu, baah puur nkpen mu bi ŋijoo aakaasisik ni na, Hamaf aatiŋ chee, ŋŋangan wɔb.

Josua 1:4

Nimi aatinaanmɔk ga yoor ŋŋangii wɔb aateersakpiin ni, ki ti saa Lebanonn aajoo ŋi bi ŋŋangan wɔb na, ki ki yoor Yufrates Aamɔɔl mɔk, liwipuul wɔb, ki di bɔ dii Hef yaab aatiŋ ni, ki ti saa Kaasisik ni Aanyusakpem mɔk, liwilir wɔb.

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.