Nkahm 33:52 - Uwumbɔr aagbaŋ

⁵² ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Nkahm 33:52 ပူးပေါင်းရင်းမြစ်များ

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Ikaal 31:5

Uwumbɔr le ga cha ni nyaŋ bi; ni ŋa bi tiwan nimɔk m bui nimi ke ni ŋa bi na.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Josua 11:15

Uwumbɔr le nan di tibɔr ngbaan bui waatutunn Moses, le Moses mu di ti bui Josua, le Josua kii tibɔr ngbaan, ki nan ŋa tiwan ni mɔmɔk Uwumbɔr nan bui ke u ŋa na.

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

Bibɔjirb 2:2

Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.