Nkahm 33:3 - Uwumbɔr aagbaŋ

³ Israel yaab nan nyan Ijipt aatiŋ ni, libipɔln ni, njan aaŋmal aawiin kipiik ni muŋmuŋmur daal la; nwiin ngbaan nan ye Lakr‑jer aajim aawiin aah jer ki woln nwiin mu na la. Uwumbɔr aah nan kii bi pu na, le bi nan ŋmaa nyan Rameses aatiŋ ni ki cha, le Ijipt yaab mɔmɔk nan kan baah cha pu na.

Nkahm 33:3 ပူးပေါင်းရင်းမြစ်များ

Mpiin 47:11

Le Josef ŋa ubɔr ngbaan aah nan bui u ke u ŋa pu na, ki di ute ni ukpetiib kaan kitinyaan ki bi Rameses aatiŋ chee na.

Ilahn 105:38

Ijipt yaab nan san bi ijawaan la; le baah nan nyan baatiŋ ni na, Ijipt yaab aasui nan piir.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 12:2

“Uŋmal wee le ga li ye njan aaŋmal libiln ni, ki tii nimi.

Nnyam 12:37

Israel yaab nan nyan Rameses aatiŋ ki chuun bitaa pu ki cha Sukof. Bi nan ye bijab ŋichur ikui iloob, baa nan kahn bipiib ni mbim kpaan bi ponn ni.

Nnyam 13:4

Ni ga nya Ijipt aatiŋ ni, nwiin mue daal la, njan aaŋmal u bi yin u ke Abib na.

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Nkahm 33:2

Uwumbɔr aah nan tuk Moses pu na, u nan ŋmee nin chee mɔmɔk bi kal na aayimbil.