Nkahm 33:2 - Uwumbɔr aagbaŋ

² Uwumbɔr aah nan tuk Moses pu na, u nan ŋmee nin chee mɔmɔk bi kal na aayimbil.

Nkahm 33:2 ပူးပေါင်းရင်းမြစ်များ

Nnyam 17:14

Uwumbɔr nan bui Moses ke, “Ŋmee butɔb ngbaan aabɔr mɔmɔk bil, aan ti li ye nteerm n‑yoonn mɔmɔk. Tuk Josua ke m ga bii Amalek yaab mɔmɔk.”

Nkahm 10:13

Bi nan chuun dii, Uwumbɔr aah mɔk Moses pu na la.

Nkahm 10:6

N‑yoonn mu bi ki ŋun kakaan wii lelee, naa yunn na kan, linibol li ka ŋŋangii wɔb na mu le ga fii paan. Nima pu na, kakaan yaa wii kaa yunn kan, ni mɔk ke binib ngbaan fii baah ka nin chee na, ki li chuun.

Nkahm 33:1

Moses ni Aaronn aah nan di Israel yaab aanibol nyan Ijipt aatiŋ ni, ki dii, ki kaa ntim mu ni na aabɔr sɔ.

Nkahm 33:3

Israel yaab nan nyan Ijipt aatiŋ ni, libipɔln ni, njan aaŋmal aawiin kipiik ni muŋmuŋmur daal la; nwiin ngbaan nan ye Lakr‑jer aajim aawiin aah jer ki woln nwiin mu na la. Uwumbɔr aah nan kii bi pu na, le bi nan ŋmaa nyan Rameses aatiŋ ni ki cha, le Ijipt yaab mɔmɔk nan kan baah cha pu na.

Ikaal 1:2

Aa yaa nyan ni Sainai Aajool chee ki cha Kades Banea, ki dii ŋigongon aatiŋ ki bi yin ki ke Edom na ni kan, aa ga di iwiin kipiik ni mbaa le fuu nima chee.

Ikaal 10:11

U nan bui mi ke m sunn ni, ki nan loln ni pu nsan, aan ni ŋmaa buen ti gaa kitiŋ ki u nan puu ke u ga di tii niyaajatiib na.