Nkahm 32:3 - Uwumbɔr aagbaŋ

^3-4 “Uwumbɔr aah ter timi Israel yaab aan ti gaa lipepel limina, Atarof, ni Dibonn, ni Jaser, ni Nimra, ni Hesbonn, ni Eleale, ni Sibma, ni Nebo, ni Beonn aatim mu na ŋan tiwakor pam, le ti mu kpa tiwakor ti wiir sakpen na.

Nkahm 32:3 ပူးပေါင်းရင်းမြစ်များ

Nehemia 9:22

Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.

Aisaya 15:6

Nnyun mu nan bi Nimrim aabun ni na foor a, timoor ti si mbun aagbaan na mɔmɔk yɔl a, le tiwasɔnn nibaa aa gur ki si.

Jeremia 48:1

Uwumbɔr Mpɔɔnsakpiindaan aah nan len Moab yaab aabɔr ti na sɔ: “Nebo aanib aatiŋ kuln a, san bi kinimbaak man. Bi nyaŋ Kiriataim aatiŋ a, bi wii kaadir ti pɔɔ ki fɔk na, le kaanib jin inimɔɔn.

Jeremia 48:2

Moab aanyaan doo a. Bidim nyaŋ Hesbonn yaab a, le ki kpokl ke bi ti tak Moab aatimbol. Madmenn aatiŋ ponn ni ga ŋmin chii; bijab ga tak ki.

Jeremia 48:32

M ga wii Sibma aanib pu, ki jer maah ga wii Jaser aanib pu pu na. Sibma aatiŋ, aa bi ke ŋisubil aasub bu aabon taln ki ti puur N‑yaan Aanyusakpem ki ti saa Jaser na la. Le saasubil ŋi puir na bii a.

Jeremia 48:34

“Hesbonn ni Eleale aanib wii la, le baawiil di ti fuu Jahas aatiŋ ni; Soar aanib ŋun i pu la; le Horonaim, ni Eglaf Selisiya aanib mu ti ŋun i pu. Hali Nimrim aabukpiik na aanyun foor a.

Jeremia 48:45

Bikusam bi kaa kpa nterm na pɔɔni bibaa ke bi ti kan nterm Hesbonn aatiŋ ki Ubɔr Sihonn nan joo ki na ni, tɔ, ki mu gaa mmii a. Mmii wun Moab aanib bi gee butɔb sakpen na aanaanmɔk ni kaajoo paab.

Esekiel 25:9

m ga cha bi tak ntim mu bi ki kii Moab aatinaanmɔk na, bi ga kpaan tak Bef Jesimof, ni Baal Meonn, ni Kiriataim aatinyaam na mu.

Nkahm 21:28

N‑yoonn mubaa, Hesbonn aatiŋ ni, Sihonn aajab nan tun tijar ke mmii na, le ki bii Ar aatiŋ ki bi Moab aatiŋ ni na, le ki kuln ŋigongon ŋi bi Anonn Aamɔɔl aapaacham na.

Nkahm 21:30

Le n‑yoonn mue, baamaal bii doo, ki yoor Hesbonn aatim mɔmɔk, ki ti ker Dibonn aatiŋ, ki ki yoor Nasim aatiŋ ni, ki ti ker Nofa aatiŋ ki bi gbɔk Medeba aatiŋ na.”

Nkahm 21:32

Le Moses tun bipepekb, bi ti lik, aan ki bee baah ga ŋa pu ki tak Jaser aatiŋ na. Israel yaab nan ŋmaa nyaŋ, ki gaa ki, ni kaatingbaan mɔmɔk, le ki jenn nyan Amor yaab bi nan ka nima chee na.

Nkahm 32:1

Rubenn ni Gad aanibol nan kpa tiwakor ti wiir pam. Bi nan kan ke Jaser ni Gilead aatim kpa kimopɔɔk ki ŋan tiwakor ga kan timoor ki ŋmɔ na,

Nkahm 32:2

le bi buen Moses, ni Eleasar, ni biyidam biken chee, ki ti bui ke,

Josua 13:17

ki ki kpee Hesbonn aatiŋ, ni ntim mu bi lijool li aapaacham bi taar na pu na, bi yin mu ke Dibonn, ni Bamof Baal, ni Bef Balmeonn,

Josua 13:19

ni Kiriataim, ni Sibma, ni Seref Sahar aatiŋ ki bi ligongoln li bi kifataŋ ni na,

Josua 21:39

ni Hesbonn, ni Jaser aatim, ni mu aamopɔr.

Bibɔjirb 11:26

Ŋibin ikui itaa le na, le Israel yaab joo Hesbonn ni Aroer aatim, ni ntim mu mann goln mu na, ni ntim mu mɔmɔk bi Anonn Aamɔɔl aagbaan na. Ba ŋa saa ŋmaa gaa mu n‑yoonn ngbaan mɔmɔk ni?