Nkahm 32:14 - Uwumbɔr aagbaŋ

¹⁴ Le nimi titunwanbirdam bimina fii sil nitetiib aataa pu, ki ban ke ni bii Uwumbɔr aasui aan waaŋuul fii Israel yaab pu.

Nkahm 32:14 ပူးပေါင်းရင်းမြစ်များ

Mpiin 5:3

N‑yoonn mu Adam nan saa ŋibin nkub ni piitaa na, le upuu ki dek lipuul, le ki ma ubijabo u naahn ute Adam, le u yin u ke Sef.

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

2 Bibɔrb Aabɔr 28:13

Bi nan bui ke, “Taa di binaagbiib ngbaan koo ni do man. Ti puun tun Uwumbɔr titunwanbir ti ga cha u daa titafal waaŋuul ni na. Le ni ki ban ke ni ŋa tiwan ni ga moo joo ni timi titunwanbir na.”

Esra 10:10

Utotoor Esra le nan fii sil ki len bi chee tibɔr. U nan bui bi ke, “Naah yoor biwɔwɔmpiib pu na, le ni nyan Uwumbɔr aapuwɔb, ki joo ni tibɔbir Israel aanib mɔmɔk pu.

Nehemia 13:18

Tiwanbaan nee pu le Uwumbɔr nan daa niyaajatiib aatafal ki bii kitiŋ kee. Naah bi koor Likpaakool daal aakoobil kina na, le ni beenin ban ke ni moo di Uwumbɔr aaŋuul lii ni Israel pu.”

Job Aagbaŋ 14:4

Tiwanyaan nibaa aan ŋmaa nyan ni unibɔn, tijɔŋdaan ni.

Ilahn 78:57

bi tee nyan upuwɔb kaa dii waah len pu na ke biyaajatiib na, kaa si chob ke mpiin mu gɔr na.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Aisaya 57:4

Ŋma aan ni ŋani u yaansara? Ŋma aan nimi binyamɔndam yuul?

Esekiel 20:21

“Tɔ, bima ngbaan aaker mu nan ki yii maamɔb. Bi nan bii maakaal, kaa joo maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom. Nteersakpiin ni, nima chee, le m nan gor ke bi bee maaŋuul aah pɔɔ pu na, ki kuln bi mɔmɔk.

Nkahm 32:15

Nima pu na, nimi Rubenn ni Gad yaab yaa yii ke naan dii u kan, waah nan ŋa nitetiib pu na, u ga ki ŋa ni mu kina, ki bii ni mɔmɔk nteersakpiin mue ni, le ni yaa cha u ŋa kina kan, binib ngbaan aasin ga li bi nimi le pu.”

Tibɔnyaan ti Luk ŋmee ti na 11:48

Ni mu nyi baah nan ku bi pu na, ki mu kii baah nan ŋa pu na. Niyaajatiib le nan ku bi. Ni mu maa ŋikaakul tii bi.

Ikaal 9:24

Maah bee nimi bundaal ki nan saa din wee na, naa kii tii Uwumbɔr.