Nkahm 31:3 - Uwumbɔr aagbaŋ

³ Kina pu na, Moses nan bui Israel yaab ke, “Gor nibaa man ki buen butɔb ki ti tak Midiann yaab, baah ŋa Uwumbɔr bakaa pu na.

Nkahm 31:3 ပူးပေါင်းရင်းမြစ်များ

2 Bibɔrb 10:30

Uwumbɔr nan bui Jehu ke, “Aa ŋa Ahab aayaabitiib tiwan ni mɔmɔk m ban ke aa ŋa na. Kina pu na, m puu ke aayaabitiib aayaabisɔsɔk ga li ye Israel aatiŋ aabɔrb.”

2 Bibɔrb 9:7

Aa ku saaninkpel u ye Ahab aajapɔɔn ki ye ubɔr na, le m ga ŋmaa daa Jesebel aatafal, waah ku maabɔnabtiib ni maatutum biken pu na pu.

Nnyam 17:16

U nan ki bui ke, “Yoor Uwumbɔr Aatuutaa paacham. Uwumbɔr le ga li to Amalek yaab butɔb tii timi, ki cha n‑yoonn mu kaa kpa ndoon na.”

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Jeremia 50:28

Tɔ, bikusam nan san nyan ni Babiloŋ ki dan Jerusalem, ki nan len Tidindaan Uwumbɔr aah teen Babiloŋ yaab baah nan tun Waadichal pu pu na.

Liifai Yaab 26:25

M ni nimi aah nan puu tipuur tii tɔb na, le ni nan bii tipuur ngbaan, nima pu na le m ga cha nimi aadim to nimi butɔb, le ni yaa kuun buen ntim mu ponn ni ke ni koo ki ŋmar na kan, m ga cha iween i kaan sɔŋ na dan ni pu, le kina pu na, ni ga di nibaa tii nimi aadim.

Nkahm 25:11

“Fineas aah ŋa pu na, maan ki gee Israel yaab pu liŋuul. U si nchaŋ ni, kaa kii ke biken ki doon liwaal libaa ki kpee m pu, le nima pu, maa kuln bi maaŋuul ni.

Nkahm 25:13

Waah kaa kii ke Israel yaab ki li dooni ubaa ki kpee m pu, ki joo ni chapinn baatunwanbir pu na, u ni waamaal ga li ye bitotoorb le n‑yoonn mɔmɔk.”

Nkahm 31:4

Ni nyan linibol mɔmɔk ni bijab lichur libaa, bi buen butɔb ngbaan.”

Bibɔjirb 5:2

Pak Uwumbɔr man. Israel yaab nan ŋa lipobil ke bi jan kijaak; binib nan di mpopiin nyan sil bibaa pu la.

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”