Nkahm 3:10 - Uwumbɔr aagbaŋ

¹⁰ Aa ga nyan Aaronn ni ujapɔtiib le bi li tun bitotoorb aatuln, unii u mu ki ban ke u tun bitotoorb aatuln na kan, u ga kpo.”

Nkahm 3:10 ပူးပေါင်းရင်းမြစ်များ

2 Samuel 6:7

Libuul ngbaan ni le Uwumbɔr aaŋuul fii Usa pu, le u ku u, waah kaa pak uma Uwumbɔr Aakaal Aadakaa pu na pu. Usa nan kpo dɔ gbɔk Nkaal Aadakaa ngbaan nima chee,

1 Bibɔrb 12:31

Jeroboam nan ki maa tiwaadir ŋigongon paab, le ki nyan bitotoorb, imaal i kaa nan ye Liifai aamaal na ni.

1 Bibɔrb Aabɔr 6:32

Waahr aan Ubɔr Solomonn nin maa Uwumbɔr Aadichal na, bi nan yakr le ki tun lituln Uwumbɔr Aabool ponn ni.

Nehemia 6:11

Le m gar u ke, “Maa ye uja u aaboln san ki ti bɔrni na. Aa dak ke m ga san ti bɔr Uwumbɔr Aadichal ponn ni ke m ŋmar aa? Maan ŋa kina kpala.”

Nnyam 29:9

ki di ŋitan buu bichaŋ ni, ki ki di ŋitan buu biyil. Kina le aa ga kaan Aaronn ni ujapɔtiib bi li tun kitork aatuln. Bi ni biyaabitiib ga li tun kitork aatuln tii mi kina, le ki cha n‑yoonn mu kaa kpa ndoon na.

Esekiel 44:8

Baa tun Maadichal aatuln li bi chain na, ki tee di li ŋa biwɔwɔm aaŋaal ni.

Liifai Yaab 22:10

“See unii u ye utotoor aamaal ni aanii na le ga ŋmaa ji ipiin aatork aajikaar ti bi chain na; unii yayan aan ŋmaa ji ti, hali unii yaa ye uchaan le ki koo utotoor chee, bee waatutunn kan, waan ŋmaa ji ti.

Nkahm 1:51

N‑yoonn mumɔk ni ti fii ki cha na kan, Liifai yaab le ga kpab Libool ngbaan aawan mɔmɔk, le ki ti ki gaa Libool ngbaan nimi aakakaapɔɔn chee. Unii umɔk dan li chee, kaa ye Liifai yaab ponn ni na kan, u ga kpo la.

Nkahm 16:10

Uma le nyuŋ nimi, ni Liifai yaab bi gur na, le dandana wee ni ban ni gaa kitork aatuln mu ki di kpee.

Nkahm 16:35

Le Uwumbɔr nan cha mmii nyan ni, ki nan wun bijab ikui ilee ni piiŋmu bi nan joo ni tulalee aayon waabimbiln chee na.

Nkahm 16:40

Uwumbɔr nan cha ni ye nsurm, le ki mɔk Israel yaab mɔmɔk ke unii yaa kaa nyan ni Aaronn aamaal ni kan, u taa dan kitork aabimbiln chee u nan see tulalee aayon tii u. Unii yaa ŋa kina kan, u ga kpo ke Kora ni waajab aah nan kpo pu na. Eleasar nan ŋa tiwan ngbaan mɔmɔk, Uwumbɔr aah nan bui Moses ke u cha bi ŋa ni pu na la.

Nkahm 18:3

Liifai yaab ga li ter si la, le ki tun Libool na ni aatuln. Tɔ, baa kpa nsan bi meeh tiwan nimɔk bi chain ki bi Chain Aapepel na ponn ni, bee kitork aabimbiln. Bi yaa ŋa kina kan, bi ni si ga kpo.

Nkahm 18:7

Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Nkahm 3:11

Uwumbɔr nan bui Moses ke,

Nkahm 3:38

Moses, ni Aaronn, ni ujapɔtiib le nan ye bi ga kal Uwumbɔr Aabool ngbaan aabisamɔb wɔb, liwipuul wɔb na. Bima le nan lik ki tun lituln mɔmɔk Chain Aapepel ni, ki tii Israel aanib. Unii u mu ki pɔɔn ubaa ke u tun lituln ngbaan na kan, u ga kpo la.

Rom Yaab 12:7

Uken aapiin yaa ye Uwumbɔr aatuln kan, u li tun lituln ngbaan. Uken yaa ŋmaa mɔk binib Uwumbɔr aabɔr kan, u li mɔk bi.

Efesusi 2:19

Nima pu na, nimi bi kaa ye Juu yaab na aa ki ye biwɔwɔm ni bicham Uwumbɔr aanib chee. Ni ye Uwumbɔr aanib ponn ni bibaa, ki ye waamaal mu ponn ni bibaa la.

Ikaal 18:5

Uwumbɔr le nyan nimi aanibol ponn ni Liifai yaab, ke bi li ye waatotoorb ki cha n‑yoonn mu kaa kpa ndoon na.

Hiibru Yaab 8:4

Bitotoorninkpiib bi dulnyaa wee ni ki toor kitork tii Uwumbɔr, Juu yaab aakaal aah dii pu na la. Yesu yaa ba laa bi dulnyaa wee ni kan, waa ba ga li ye utotoor.

Bibɔjirb 17:5

Maika ngbaan nan gur kpa kiwaadiik la. U nan ŋa ŋiwaa ŋibaa, ni utotoor aabɔkugeŋ le ki di ujapɔɔn ubaa ŋa waatotoor.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.