Nkahm 28:7 - Uwumbɔr aagbaŋ

⁷ Ni di ŋisubil aadaan kpalba ubaa kpee njan aapiih pu, ki di kpir kitork aabimbiln taab.

Nkahm 28:7 ပူးပေါင်းရင်းမြစ်များ

Nnyam 29:40

Ni yaa ban ni di njan aapiih toor kan, ni ban boroboro aayon mu ŋan na kuruwaa ubaa, ki di olif aakpan kpalba ubaa buun mu. Ni bar ŋisubil aadaan kpalba ubaa mu ki di ŋa ipiin ngbaan.

Nnyam 29:42

N‑yoonn mu choo na, ni li seer ipiin aatork ngbaan mmii ni ki tii mi, nnimbiin ni, Libool na aabisamɔb chee. Nima chee le m ga pii maanib, ki len aa chee tibɔr.

Nnyam 30:9

Ni taa di tulalee aayon mu maa gee na ki di see nima chee, ki taa toor kiwakork aatork, bee njikaabim aatork li pu, ki taa bar ŋisubil aadaan kpir li pu.

Aisaya 57:6

Ni yoor ŋitakpal ŋi ŋan na nima chee, le ki ti dooni ŋi ke ŋi ye nimi aawaa. Ni bar ndaan kpir ŋi pu ke ni tii ŋi ipiin la, ki tii ŋi njikaabim mu aapiin. Ni dak ke nsui piin nimina mɔmɔk pu uu?

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:9

Njikaabim ni ndaan aa bi ti di tii ipiin Uwumbɔr Aadichal ni; Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 23:13

Ni ban n‑yon kuruwaa bilee, ki di olif aakpan ŋmal mu ni, ki di kpee upihjabo ngbaan pu, ki toor tijikaar aapiin aatork. Kitork kina aaboln nu mɔ Uwumbɔr chee. Ni ki ban ŋisubil aadaan kpalba ubaa ki kpee kitork ngbaan pu.

Nkahm 15:10

ki kpee ŋisubil aadaan kpalba bilee. Kitork ngbaan nu mɔ, min Uwumbɔr chee.

Nkahm 15:7

ki kpee ŋisubil aadaan kpalba ubaa ni ligeln, ni mu li ye njikaabim aapiin. Kitork ngbaan nu mɔ, min Uwumbɔr chee.

Nkahm 28:14

Ŋisubil aadaan mu ni ga di kpee kitork ngbaan pu na sɔ: ni ban ŋisubil aadaan kpalba bilee ki di kpee unaaja ubaabaa pu, ki ban ŋisubil aadaan kpalba ubaa ni ligeln ki di kpee upihja ngbaan pu, ki ban ŋisubil aadaan kpalba ubaa ki di kpee upihjabo ubaabaa pu. Libiln ni, iŋmal mɔmɔk, njan aawiin daal kan, ni toor kina aapiin aatork ki di see mmii ni tii Uwumbɔr.

Nkahm 28:31

Ni toor kina aatork, ni ŋisubil aadaan aatork, ki di kpee iwiin mɔmɔk aatork ki ye kitork ki ni joo seer mmii ni na, ni njikaabim aapiin aatork na pu tii Uwumbɔr.

Nkahm 28:6

Ni li joo ipiin ngbaan seer mmii ni, iwiin mɔmɔk. Njikaabim aapiin kina aaboln le bi nan pue see mmii tii Uwumbɔr, Sainai Aajool paab, ipiin ngbaan aaboln nu mɔ Uwumbɔr chee.

Nkahm 28:8

Kijook wɔb mu kan, ni di lelee aapiih toor ke kichakpiik ni naah ba toor pu na, ki kpee ni mu aasubil aadaan. Ni mu ki ye tijikaar aapiin la, ipiin ngbaan aaboln nu mɔ Uwumbɔr chee.

Filipi 2:17

Ni yaa gaa Yesu ki kii ki tun waatuln mbamɔm kan, m kpa mpopiin ni pu. Bi yaa po ku mi kan, m kpa mpopiin.