Nkahm 28:3 - Uwumbɔr aagbaŋ

³ Naah ga di tijikaar aapiin i tii Uwumbɔr iwiin mɔmɔk, aan ki di see mmii ni na sɔ: libiln libaa aapihjabi ilee, i taa li kpa iween, ki li ŋan.

Nkahm 28:3 ပူးပေါင်းရင်းမြစ်များ

1 Bibɔrb Aabɔr 16:40

Kichakpiik ni, ni kijook mɔk, see bi di kitormɔŋ see mmii ni, kitork aabimbiln paab, ki dii Uwumbɔr aah nan di ikaal i tii Israel yaab na aah nan ŋmee pu na.

2 Bibɔrb Aabɔr 8:13

U nan toor kitork ki bi joo seer mmii ni na nwinyaan mɔk daal ki dii Moses aakaal aah nan mɔk pu na aasan: u nan toor Likpaakool daal, ni Uŋmapɔɔn aajim daal, ni libiln mɔk aajim mutaa na aatork. Tima le nan ye Lakr‑jer Aajim, ni Lijikaacheel Aajim, ni Tikakar Aajim aatork.

Esra 3:5

ki kpee na, bi nan ki toor kitork ki bi ga di kiwakomɔŋ ngbaan see mmii ni na aatork, ni Uŋmapɔɔn Aajim Aatork, ni kitork ki mɔmɔk ye ke bi kuun ki doon Uwumbɔr na, ni ipiin aatork ki bi nan tii Uwumbɔr, bisui aageehn pu na.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Daniel 8:13

Le m ŋun Uwumbɔr aatuuntiib ubaa baa uken ke, “Tiwan ni bi tidaŋ ngbaan ponn ni na ga yunn kinye? Titunwanbir ti gaa iwiin mɔmɔk aatork na ga yunn ki ti saa kinye? Baah taar paacham aaŋmabi ni Uwumbɔr Aadichal pu pu na ga yunn ki ti saa kinye?”

Liifai Yaab 3:5

Le bitotoorb ga di ni mɔmɔk, ki di kpee kitork kiken pu, ki see mmii ni, kitork aabimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 6:9

ke u di kitork ki bi joo seer mmii ni na aapiin aakaal aabɔr timina tuk Aaronn ni waabijabim. Ni yaa ban ni see kitork mmii ni kan, ni cha ki li paa libimbiln paab aan mmii li gaal kina kitaak ti woln.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Nkahm 28:10

Likpaakool daal mɔmɔk kan, ni di kitork ki bi joo seer mmii ni kina aaboln na, ki di kpee iwiin mɔmɔk aatork aapiin, ni kaadaan aapiin pu, tii Uwumbɔr.

Nkahm 28:15

Ni yaa ti ban ni toor iwiin mɔmɔk aatork, ni ndaan aatork kan, ni ban uŋoja kpee ki di toor titunwanbir aatork aapiin.

Nkahm 28:23

Ni toor kina aatork ki di kpee kichakpiik mɔmɔk ni aatork na pu.

Nkahm 28:24

Naah ga ŋa njim ngbaan ki ti saa iwiin ilole daal pu na, ni li toor tijikaar aatork kina ki tii Uwumbɔr, kina aatork nu mɔ u chee. Ni toor kina aatork ki di kpee iwiin mɔmɔk aatork, ni li ye kitork ki ni joo seer mmii ni na, ni ŋisubil aadaan aatork na pu, ki tii Uwumbɔr.

Nkahm 28:31

Ni toor kina aatork, ni ŋisubil aadaan aatork, ki di kpee iwiin mɔmɔk aatork ki ye kitork ki ni joo seer mmii ni na, ni njikaabim aapiin aatork na pu tii Uwumbɔr.

Nkahm 28:4

Ni di njan aapihjabo toor kichakpiik ni, aan ki nan di uleler mu toor kijook wɔb.

Nkahm 29:11

Ni ban uŋoja toor titunwanbir aatork, ki ki toor uŋoja uken ki ŋa binib ngbaan chain, ki kpee uŋoja ngbaan pu, ni iwiin mɔmɔk aatork ki ni joo seer mmii ni na, ni njikaabim aatork, ni ŋisubil aadaan aatork pu.

Nkahm 29:16

Ni ki kpee na, ni ban uŋoja ki toor titunwanbir aatork. Ni toor kina aatork ki kpee iwiin mɔmɔk aatork ki ni joo seer mmii ni na pu, ni njikaabim aatork, ni ŋisubil aadaan aatork pu.

Nkahm 29:6

Ni toor kina aatork ki kpee uŋmal mɔmɔk aajan aawiin aatork, ni iwiin mɔmɔk aatork ki ni joo seer mmii ni na, ni njikaabim aatork ni ŋisubil aadaan aatork na pu, ki tii Uwumbɔr. Tijikaar aatork kina aaboln nu mɔ Uwumbɔr chee.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Hiibru Yaab 9:6

Baah di tiwan nimina mɔmɔk siin kina na, le bitotoorb koo mɔb aadiik ni iwiin mɔmɔk, bi ti tun lituln tii Uwumbɔr.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.