Nkahm 28:2 - Uwumbɔr aagbaŋ

² ke u mɔk Israel yaab ke ipiin aatiin aayoonn yaa fuu kan, bi tii Uwumbɔr tijikaar aapiin, waah ban pu na. Kina aapiin nu mɔ u chee.

Nkahm 28:2 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

1 Bibɔrb Aabɔr 23:31

ni n‑yoonn mumɔk bi di ipiin see mmii ni tii Uwumbɔr, Likpaakool daal, ni Uŋmapɔɔn aajim daal, ni njim mu mɔmɔk gur na aayoonn na. Bi nan siin ikaal ki mɔk Liifai aanib aah ga li wiir pu ki tun lituln mɔk aabɔŋ n‑yoonn n‑yoonn na. Liifai yaab aatuln le nan ye ke bi li dooni Uwumbɔr n‑yoonn mɔmɔk.

2 Bibɔrb Aabɔr 23:18

Jehoyada nan ban bitotoorb ni Liifai yaab le bi tun Uwumbɔr Aadichal ponn ni aatuln. Bima le nan yeh lituln li Ubɔr David nan mɔk bi ke bi tun na, ki kpee Moses aakaal aah nan mɔk ke bi li joo kitork ki bi di toor tii Uwumbɔr na seer mmii ni pu na. Bima le nan ki yeh ilahn, ni tiwangbaakaan, ni kitork mɔmɔk aatuln.

2 Bibɔrb Aabɔr 31:3

U nan nyani ubaa aawakor le tii aan bi joo toor kichakpiik ni, ni kijook mɔk aatork ki bi joo seer mmii ni na, ki kpee Likpaakool daal, ni Uŋmapɔɔn Aajim aatork, ni njim muken na aatork, Uwumbɔr Aakaal aah mɔk pu na.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Esra 3:3

Binib bi nan nyan ni tinaagbiir ni ki gir ni na nan san binib bi nan koo nima na ijawaan, ki mu tee ki gir maa kitork aabimbiln ngbaan, laah nan puen si nin chee na, le ki ki piin ki joo kichakpiik ni, ni kijook aatork aanann seer mmii ni li pu.

Nehemia 10:34

Ti mɔmɔk, bitotoorb, ni Liifai yaab, ni binib mɔmɔk ga too inaan libiln mɔmɔk ponn ni, ki nyan imaal i ga tii idɔ aan bi li joo seer tiwakor ti bi joo toor tii Tidindaan Uwumbɔr, Nkaal aah mɔk pu na.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Nnyam 23:15

Uŋmal u bi yin u ke Abib na, uŋmal u ponn ni ni nan nyan Ijipt aatiŋ ni na, ni ji boroboro u kaa kpa boroboro aanyɔk na aajim, maah nan mɔk nimi ni li ji mu pu na. Ni taa ŋmɔ boroboro u kpa nnyɔk na njim ngbaan aawiin ilole ngbaan ponn ni. Ni yaa choo ni nan doon mi kan, ni li joo ni ipiin, ni taa choo ni iŋaalkuun.

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Esekiel 16:19

M nan tii si tijikaar: n‑yon mu ŋan sakpen na, ni olif aakpan, ni tisiir, le aa di ni tii ŋiwaa ipiin ke ŋi ter si.” Aadindaan Uwumbɔr aah len pu na le na.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 45:17

Ni ye uma le aatuln ke u ban tiwakor ti bi ga di see mmii ni timɔnn na, ni njikaabim aatork, ni ŋisubil aadaan aapiin i bi ga di toor Israel aatimbol mɔmɔk pu Uŋmapɔɔn Aajim ni, ni Likpaakool aawiin aatork, ni njim muken aatork ni na. Uma le ga ban titunwanbir aatork, ni njikaabim aatork, ni kitork ki bi ga di see mmii ni na, ni kimɔbaan aatoor, ti ga nyan Israel aanib aatunwanbir na.”

Liifai Yaab 1:13

Uja ngbaan finn ponn ni aawan, ni ŋitaajal, le utotoor ga di kitork ngbaan tii Uwumbɔr, ki see ti mɔmɔk libimbiln paab mmii ni. Tijikaar aapiin kina aaboln nu mɔ Uwumbɔr chee.

Liifai Yaab 1:17

U chuu wɔk li, ki taa nyan ŋipue, aan ki di see mmii ni, libimbiln paab. Tijikaar aapiin aatork kina aaboln nu mɔ Uwumbɔr chee.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 21:6

U li bi chain aan ki taa jinn maayimbil inimɔɔn. Waah joo tijikaar aatork seer mmii ni tii mi na, ni ŋan ke u li bi chain.

Liifai Yaab 21:8

Binib mɔmɔk li nyi ke utotoor ye chain aanii la, ba pu? uma le joo tijikaar aatork tii mi. Min le ye Uwumbɔr, m bi chain la, le ki ŋa maanib chain.

Liifai Yaab 3:11

Le utotoor u ŋa kitork ngbaan na di ni mɔmɔk see mmii ni, libimbiln paab, ni li ye tijikaar aapiin ki tii Uwumbɔr.

Malakai 1:12

Le nima aa nyuŋni mi, ki bui ke maatork aabimbiln aa ye nibaa, le ki joo ni tijikaar ti ni lik seen ti na nan toor kitork li pu.

Malakai 1:7

Naah lik mi fam pu na sɔ, ni joo tijikaar ti kaa ŋan na le toor kitork maatork aabimbiln pu. Le ni baa ke, ‘Kinye aan ti yii kaa pak si?’ M ga bui nimi ke naa lik faar maatork aabimbiln.

Nkahm 15:24

taani ngbaan yaa nan dan binib ngbaan aamaanyi pu le kan, bi di unaaja toor kitork, ki di u see mmii ni, ki kpee njikaabim ni ŋisubil aadaan aatork ki ŋeer na. Kitork ngbaan nu mɔ Uwumbɔr chee. Ni ki kpee na, bi di uŋoja toor titunwanbir aatork.

Nkahm 15:3

Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Nkahm 15:7

ki kpee ŋisubil aadaan kpalba ubaa ni ligeln, ni mu li ye njikaabim aapiin. Kitork ngbaan nu mɔ, min Uwumbɔr chee.

Nkahm 28:1

Uwumbɔr nan bui Moses

Nkahm 29:39

Uwumbɔr aah siin ikaal i ki joo cha kitork ki ni ga li joo seer mmii ni na, ni njikaabim aatork, ni ŋisubil aadaan aatork, ni kimɔbaan aatork aan ni li ŋani ki tii u, n‑yoonn mɔmɔk aajim ni na, le na. Kitork kina aaboln le ni ga li toor, ki kpee naah puu tipuur ki ban ni pa na, ni nisui aageehn aatork mu pu.

Nkahm 9:13

Tɔ, unii umɔk bi linampal, kaa buen nsan, ki mu bi chain, ki yii kaa jin Lakr‑jer aajim ngbaan na kan, u li nyi ke waa ki ye maanii, ba pu? buyoonn ni ŋeer ke u tii mi ipiin na, waa ŋa kina, le u ga ji falaa kina pu.

Nkahm 9:7

“Ti meeh linikpol le ki bii tibaa, ba ŋa tima aan ŋmaa kpaan Israel yaab biken chee ki toor kitork tii Uwumbɔr?”

2 Korenti 2:15

Ti mu bi Uwumbɔr chee ke tulalee aayon mu nu mɔ na la; ba pu? Kristo bi tisui ni. Binib bi ŋmar na ŋun waah nu mɔ pu na, ki kan limɔfal; ba pu? bi gaa u ki kii. Binib bi kaa ŋmar na mu ŋun ki kan nkun; ba pu? baa gaa u ki kii. Ubaa ga ŋmaa tun Uwumbɔr aatuln ubaa pu uu? Aayii.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.