Nkahm 27:3 - Uwumbɔr aagbaŋ

³ “Tite nan kpo nteersakpiin ni la, ki mu aa kpa ubijabo ubaa. Waa nan kpee Kora ni waanib bi nan yii Uwumbɔr aamɔb na pu; u nan kpo ubaa aatunwanbir pu la.

Nkahm 27:3 ပူးပေါင်းရင်းမြစ်များ

Esekiel 18:4

Unii mɔmɔk aamɔfal ye min yaan la, min le yeh tetiib ni natiib, ni baabim aamɔfal. Unii u tun titunwanbir na, uma le ga kpo.

Nkahm 14:35

Nimi mbiindam aanib bi kuun ki fii sil m pu na, m puu ke m ga ŋa nimi maah len pu na. Min Uwumbɔr, min le len ke ni mɔmɔk ga kpo doo nteersakpiin mue ni.’”

Nkahm 16:19

Le Kora kuun ni Israel yaab mɔmɔk, ki nan sil toŋ Moses ni Aaronn, Libool ngbaan aabisamɔb chee. Libuul ngbaan ni, le Uwumbɔr aawiihn mu moor lak lak na woln binib ngbaan mɔmɔk pu.

Nkahm 16:49

Binib bi nan kpo na nan saa ŋichur kipiik ni ŋinaa, ni ikui ilole. Kora ni binib bi nan kpaan kpo buyoonn u nan galn Moses na aa bi bi ponn ni.

Nkahm 26:33

Hefer aajapɔɔn Selofehad aa nan ma mbijabim see mpiibim ŋmeen; baah nan yin bi pu na sɔ: Mala, ni Nowa, ni Hogla, ni Milka, ni Tirsa.

Nkahm 27:2

Ubisatiib ngbaan nan buen ti sil Moses, ni utotoor Eleasar, ni biyidam biken, ni binib ngbaan mɔmɔk chee, Uwumbɔr Aabool aabisamɔb chee, ki bui ke,

Nkahm 27:4

Israel yaab yaa suln waabɔr waah kaa nan kpa ubijabo pu na, ni ŋan aa? Lik tite aado yaab aatiŋ ponn ni, ki tii timi kitiŋ.”

Jɔnn 8:21

Le u ki tuk bi, “M ga buen nibaa chee. Ni ga ban mi, kaan kan mi, ki ga nan kpo; le Uwumbɔr aan di cha pinn nimi. Maah cha nin chee na, naan ŋmaa buen nima chee.”

Jɔnn 8:24

Nima le cha m tuk nimi ke ni ga kpo, le Uwumbɔr aan di cha pinn nimi; ba pu? ni yaa kaa gaa mi ki kii ke m ye maah tuk nimi pu na kan, ni ga kpo, le Uwumbɔr aan di cha pinn nimi.”

Rom Yaab 5:12

Unibaan le nan joo ni titunwanbir dulnyaa ni, le titunwanbir ngbaan joo ni nkun. Binib mɔmɔk aah tun titunwanbir na, le nkun yaa gaa dulnyaa mɔmɔk ni.

Rom Yaab 5:21

Titunwanbir pu le binib kpo. Tidindaan Yesu Kristo pu, le Uwumbɔr san timi kinimbaak, ki len ke timi aabɔr ŋan, le ti kan limɔfal li kaa kpa ndoon na.

Rom Yaab 6:23

Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.