Nkahm 27:21 - Uwumbɔr aagbaŋ

²¹ U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Nkahm 27:21 ပူးပေါင်းရင်းမြစ်များ

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Nehemia 7:65

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di Urim ni Tumim di ŋaŋ ti ki lik na.

Nnyam 28:30

Aa di tiwan ni bi yin ni ke Urim ni Tumim na ki di ŋa kibiŋ aakekengeŋ ngbaan aakpalɔŋ ni, aan nima kan, Aaronn ga li joo ni n‑yoonn mu u ti dan nnimbiin ni na. N‑yoonn mumɔk u choo nnimbiin ni na kan, u li pee kibiŋ aakekengeŋ ngbaan, nima kan, u ga ŋmaa bee maageehn ki tuk Israel yaab.

Liifai Yaab 8:8

U nan di kibiŋ aakekengeŋ gbab u, le ki di tiwan ni bi yin ni ke Urim ni Tumim di ŋa ki ponn ni.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Nkahm 27:17

ki ga ŋmaa joo bi, bi to butɔb na, nima kan, saanib aan li bi ke ipiih i chuun kaa kpa upihkpaal na.”

Nkahm 27:2

Ubisatiib ngbaan nan buen ti sil Moses, ni utotoor Eleasar, ni biyidam biken, ni binib ngbaan mɔmɔk chee, Uwumbɔr Aabool aabisamɔb chee, ki bui ke,

Nkahm 27:20

ki di saaninkpir ngem tii u, nima kan, binib ngbaan mɔmɔk ga ŋun tii u.

Nkahm 27:22

Moses nan ŋa Uwumbɔr aah mɔk u ke u ŋa pu na. U nan cha Josua sil utotoor Eleasar ni Israel yaab mɔmɔk aanimbiin ni,

Nkahm 27:5

Moses nan di tibɔr ngbaan buen Uwumbɔr chee.

Ikaal 31:3

Nidindaan Uwumbɔr ubaa le ga loln ni pu nsan, ki kuln ŋitimbol ŋimɔk bi nima chee na, aan ni ga ŋmaa gaa baatiŋ. Uwumbɔr le bui ke Josua le ga ŋa nimi aayidaan.

Ikaal 33:8

U nan ŋa Liifai yaab aanibol pu tinyoor ki bui ke, “Sin Uwumbɔr le di Urim ni Tumim aawan ni aa joo kpiir saageehn mɔk saanib na tii Liifai yaab bi ye saatutum bamɔm na. Sin le nan toŋ bi Masa aatiŋ ni, le ki lik baabimbin aah bi pu na Meriba aanyun chee.

Josua 9:14

Israel yaab nan gaa baajikaar ti bi tii bi na ngem; baa nan mee Uwumbɔr ki baa u tibɔr ngbaan pu.

Bibɔjirb 1:1

Josua aah nan kpo na aapuwɔb le Israel aanib baa Uwumbɔr ke, “Lilanibol ga puen buen ti tak Kanaann aanib.”

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

1 Samuel 14:19

Sɔɔl aah laa bi len utotoor ngbaan chee tibɔr na, le Filistia yaab aafuuk ngbaan moo nyaŋ. Le Sɔɔl bui u ke, “N‑yoonn aa ki bi ti ga baa Uwumbɔr aageehn.”

1 Samuel 23:9

David aah ŋun ke Sɔɔl bi kpokl ke u nan tak u na, le u bui utotoor Abiatar ke, “Li joo ni tiwan ni bi joo beer Uwumbɔr aageehn na do.”

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.

1 Samuel 30:7

Le u bui utotoor Abiatar, u ye Ahimelek aajapɔɔn na ke, “Ti li joo ni tiwan ni bi joo beer Uwumbɔr aageehn na,” Le Abiatar ti joo ni ni.