Nkahm 27:18 - Uwumbɔr aagbaŋ

¹⁸ Uwumbɔr nan bui Moses ke, “Nyan Nunn aajapɔɔn u bi yin u ke Josua na, uja u bi mbamɔm na, ki di aaŋaal paan uyil paab.

Nkahm 27:18 ပူးပေါင်းရင်းမြစ်များ

Mpiin 41:38

le u bui bi ke, “Ti ga ki kan ŋma u li kpa nlan ke Josef u Uwumbɔr di Waafuur Nyaan tii u na?”

1 Bibɔrb Aabɔr 7:27

ni Nunn, ni Josua.

Nnyam 17:9

Le Moses tuk Josua ke, “Nyan bijab ngbaan bibaa aan ni fe ti to Amalek yaab butɔb. M ga fe ti sil toŋ ligongoln pu, ki li joo kijaangbeek ki Uwumbɔr tuk mi ke m li joo na.”

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Nkahm 11:17

M ga sunn ni ki nan len aa chee tibɔr nima, le ki di Maafuur Nyaan mu m di tii si na ngem, tii bi mu. Nima kan, bi ga ŋmaa ter si, aa joo binib ngbaan, le naan ki li ye si baanja le ga li joo bi.

Nkahm 13:16

Bisalolm ngbaan le Moses nan tun ke bi ti pekr kitiŋ ngbaan. U nan kpeln Nunn aajapɔɔn Hosea aayimbil ki yin u ke Josua.

Nkahm 27:23

le ki di uŋaal paan Josua aayil pu, le ki mɔk ke uma le gaa waasisii, ke Uwumbɔr aah tuk u pu na.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Lituln 13:3

Le Yesu aanib lul bumɔb, ki mee Uwumbɔr, ki di biŋaal paan bi pu, le ki cha bi buen.

Lituln 19:6

Le u di uŋaal paan bi pu. Le Uwumbɔr Aafuur Nyaan sunn ni bi pu. Le bi len iliin yayan, le ki nabr Uwumbɔr aah len pu na.

Lituln 6:3

Nnaabitiib, nima pu na, ni nyan ni ponn ni bijab bilole bi gbiin Uwumbɔr Aafuur Nyaan, ki kpa nlan mbamɔm, ki kpa liyimbil na, ki cha bi li ye lituln ngbaan aaninkpiib.

Lituln 6:6

Le bi nyan bijab bilole bimina, ki cha bi sil Yesu aakpambalb aanimbiin ni. Le bi mee Uwumbɔr tii bi, ki di biŋaal paan bi pu.

Ikaal 1:37

Hali, nimi aabimbin pu, Uwumbɔr gee m pu liŋuul, ki bui mi ke, ‘Sin Moses aan koo kitiŋ ngbaan ni.

Ikaal 3:21

“Le m tuk Josua ke: ‘Aa kan Nidindaan Uwumbɔr aah nan ŋa bibɔrb bilee na, Sihonn ni Og pu na, kina le u ga ŋa bibɔrb bimɔk ni ga gaa baatim na.

Ikaal 3:28

Tuk Josua waah ga ŋa pu na. Pɔɔk utaakpab ki sur u, ba pu? uma le ga loln binib ngbaan pu nsan, aan bi puur ki ti gaa kitiŋ ki aa lik waa ki na.’

Ikaal 31:14

Uwumbɔr nan bui Moses ke, “Saan ki li bi ki yunn. Kina pu na, di Josua dan Maabool ni aan m nan mɔk u waatuln.” Le Moses ni Josua nan dii buen Libool ngbaan ni.

Ikaal 31:23

Le Uwumbɔr bui Nunn aajapɔɔn Josua ke, “Aa li kpa mpɔɔn, ki li kpa lipobil. Sin le ga loln Israel aanib ngbaan nsan, ki di bi buen kitiŋ ki m nan puu ke m ga di tii bi nan ni, m mu ga li bi aa chee.”

Ikaal 31:3

Nidindaan Uwumbɔr ubaa le ga loln ni pu nsan, ki kuln ŋitimbol ŋimɔk bi nima chee na, aan ni ga ŋmaa gaa baatiŋ. Uwumbɔr le bui ke Josua le ga ŋa nimi aayidaan.

Ikaal 34:9

Le Nunn aajapɔɔn u bi nan yin u ke Josua na nan kpa nlan mu nyani Uwumbɔr chee na, ba pu? Moses nan nyan uma le ke u gaa waasisiiyaan. Israel aanib nan kii Josua aamɔb, ki mu joo ikaal imɔk Uwumbɔr nan di mɔk Moses aan u mu di i tii bi na.

1 Timoti 4:14

Taa suln Uwumbɔr Aafuur Nyaan aapiin i bi aa ni na, i Uwumbɔr nan tii si buyoonn waabɔnabtiib nan len, aan Yesu aanib aaninkpiib di biŋaal paan aa pu na.

1 Timoti 5:22

Unii yaa kaa yunn Uwumbɔr aasan ni kan, taa nyan u ke u tun Uwumbɔr aatuln. Taa cha biken aatunwanbir li ye saataani. Cha saabimbin li bi chain.

Hiibru Yaab 6:2

Naa ki ban ke ti li beenin tuk nimi n‑yoonn mɔmɔk baah muini binib nnyun ni pu na, ni baah joo biŋaal paani binib pu pu na aabɔr, ni binib aah ga fikr nkun ni pu na aabɔr, ni ntafadaan mu kaa kpa ndoon na aabɔr. Timina mɔmɔk ye njan aabɔr le waasan ni.

Josua 1:17

Ti ga kii saamɔb ke taah nan keei Moses aamɔb pu na. Cha Aadindaan Uwumbɔr li bi aa chee, ke waah nan bi Moses chee pu na.

Bibɔjirb 11:29

N‑yoonn ngbaan le Uwumbɔr Aafuur Nyaan gbiin Jefta. U nan bɔ dii Gilead ni Manase aatim ni, ki gir ni Mispa aatiŋ ki bi Gilead ni na, le ki di buen Amonn aatiŋ ni.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”