Nkahm 27:14 - Uwumbɔr aagbaŋ

¹⁴ ba pu? nimi bilee ngbaan nan yii maamɔb, Sinn aateersakpiin ni. N‑yoonn mu Israel yaab mɔmɔk nan len mi tibɔbir Meriba aanyunbun chee na, ni nan yii, kaa cha binib ngbaan bee maapɔɔn mu bi chain na aah bi pu na.” Meriba nan ye nnyunbun mu nan bi Kades aatiŋ ni, ki bi Sinn aateersakpiin ni na la.

Nkahm 27:14 ပူးပေါင်းရင်းမြစ်များ

Nnyam 17:7

Bi nan yin nima chee ke Masa, ki ki yin ni ke Meriba; ba pu? Israel yaab nan ŋulni Uwumbɔr pu ki tɔŋ u, ki baa ke, “Uwumbɔr bi ti chee aan waa bi?”

Nkahm 13:21

Nima pu na, bijab ngbaan nan siir buen, ki dii ŋŋangan wɔb, ki mann kitiŋ ngbaan, ki ti nyan Sinn Aateersakpiin ni, ŋŋangii wɔb, ki di kina ti nyan Rehob aatiŋ pu, baah puur nkpen mu bi ŋijoo aakaasisik ni na, Hamaf aatiŋ chee, ŋŋangan wɔb.

Nkahm 20:1

Israel yaab aah nan nyan Ijipt aatiŋ ni ki ti saa ŋibin imonko ilee pu na aajan aaŋmal ni, le binib ngbaan mɔmɔk nan ti fuu Sinn aateersakpiin ni, le ki kal Kades aatiŋ ni. Nima chee le Miriam nan kpo, le bi sub u.

Nkahm 20:24

“Aaronn aan koo kitiŋ ki m puu ke m ga di tii Israel yaab na ni, u ban u kpo la, ba pu? nimi bilee bee nan yii maamɔb Meriba aatiŋ ni.

Nkahm 20:5

Ba ŋa ni nyan ni timi Ijipt aatiŋ ni, ki cha ti nan bi falaa ni do; tijikaar tibaa ga ŋmaa ŋa do oo? Njikaabim ni ŋisubil aasui aa bi kpala. Nnyun aa kpaan bi, ti nyu.”

Nkahm 27:15

Le Moses mee limeel ke,

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Ikaal 1:37

Hali, nimi aabimbin pu, Uwumbɔr gee m pu liŋuul, ki bui mi ke, ‘Sin Moses aan koo kitiŋ ngbaan ni.

Ikaal 4:22

Mma kan, m ga kpo kitiŋ kee ni, kaan puur limɔɔl ngbaan daalbaadaal. Le ni ma ban ni puur ki ti gaa kitinyanyaan ngbaan.