Nkahm 25:4 - Uwumbɔr aagbaŋ

⁴ le ki bui Moses ke, “Chuu Israel yaab aayidam mɔmɔk, aan ki ku bi nwiin pu, nnimbiin ni, le maan ki gee liŋuul binib ngbaan pu.”

Nkahm 25:4 ပူးပေါင်းရင်းမြစ်များ

2 Samuel 21:6

Kina pu na, nyan waamaal ni aajab bilole tii timi, aan ti ti leen bi iŋmin pu, Sɔɔl u Uwumbɔr lee u ubɔr na aatiŋ Gibea ni, Uwumbɔr aanimbiin ni.” Le ubɔr David bui bi ke, “M ga di bi tii nimi.”

2 Samuel 21:9

David nan di bi tii Gibeonn aanib, bi nan ti di bi leen iŋmin pu, lijool pu, Uwumbɔr aanimbiin ni, le bi mɔmɔk bilole nan kpaan kpo. Ni nan ye unaalan aah ti ban u doo buyoonn, aan bi piin njikaabim mu bi yin mu ke baale na aacheen na la, le bi nan ku bi.

Ilahn 106:29

Baatun le nan fiin Uwumbɔr aaŋuul, le iween i bir sakpen na lir ni bikaasisik ni.

Nnyam 18:25

le ki nyan Israel yaab ponn ni bijab bi ga ŋmaa toor biken aabɔr na. U nan di binib lichur lichur, ni nkub nkub, ni piiŋmu piiŋmu, ni kipiik kipiik, ki tii bisalolm ngbaan, bi mɔmɔk aah ga ŋman pu na.

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Nkahm 25:11

“Fineas aah ŋa pu na, maan ki gee Israel yaab pu liŋuul. U si nchaŋ ni, kaa kii ke biken ki doon liwaal libaa ki kpee m pu, le nima pu, maa kuln bi maaŋuul ni.

Nkahm 25:18

baah tun titunwanbir ki ŋmann si Peor aatiŋ ni na pu, ni Kosbi u Fineas nan ku u buyoonn iween nan bi ku nimi Peor aatiŋ ni na aatunwanbir pu.”

Ikaal 13:11

Israel yaab mɔmɔk yaa ŋun naah ku u pu na kan, bi ga san ijawaan, le ubaa aan ki ŋa titunwanbir ngbaan aaboln.

Ikaal 13:13

nibaakan ni ga ŋun ke titunwanbirdam bi ye nido yaab na mu ŋmann binaabitiib kitiŋ ki ponn ni bi bi na, le ki cha bi dooni ŋiwaa, ŋiwaa ŋi naa kee doon ŋi na,

Ikaal 13:15

ni kpaan ki ku binib bimɔk bi kitiŋ ngbaan ni na, ni baawakor mu. Ni kuln kitiŋ ngbaan mɔmɔk.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Ikaal 21:22

“Unii yaa tun titunwanbir aan ni ku u ki di uwon leen busub pu kan,

Ikaal 21:23

ni taa cha uwon ngbaan li lee nima chee ki woln kitaak. Ni di tiwon ngbaan sub liyaadaal ngbaan, ba pu? linikpol ngbaan aah lee busub ngbaan pu na, Uwumbɔr ga cha tibɔr dan kitiŋ ngbaan pu. Ni di tiwon ngbaan sub, nima kan, naan bii kitiŋ ki Nidindaan Uwumbɔr ban u di tii nimi na.

Ikaal 4:3

Ninimbigbaŋ kan Uwumbɔr aah nan ŋa pu Peor Aajool chee na. U nan kuln unii umɔk nan dooni liwaal Baal na;

Josua 22:17

Ni teer taah nan tun titunwanbir ti Peor aatiŋ ni na; n‑yoonn ngbaan Uwumbɔr nan daa timi waanib aatafal ki cha iween lir ti pu, kina pu na, ti laa beenin ji kina aafalaa. Timi aatunwanbir ngbaan aa ŋeer aa?

Josua 23:2

nima pu na, u nan yin ni Israel yaab mɔmɔk, bi nan ye bininkpiib, ni bisalolm, ni bibɔjirb, ni biyidam bi joo binib ngbaan na, le ki nan bui bi ke, “Dandana wee, m por pam.