Nkahm 25:1 - Uwumbɔr aagbaŋ

¹ N‑yoonn mu Israel yaab nan kal Sitim Aafataŋ ni, Moab yaab aatiŋ ni na, le Israel yaab aajab piin ki yoor ki kpaan doo kitiŋ ngbaan yaab aapiib chee.

Nkahm 25:1 ပူးပေါင်းရင်းမြစ်များ

2 Bibɔrb 23:7

U nan ber binib bi nan joo bibaa kooh tiwaadir ngbaan ni na aakookoo yaan. Nima chee le bipiib nan luu tiwanpeenkaan ni bi joo dooni liwaapii Asera na.

Ilahn 106:28

Peor aatiŋ ni, le Uwumbɔr aanib ti kpee binib bi dooni liwaal Baal na pu, le ki jin baah di tiwan ni toor tii ŋiwaa ŋi po ye unibɔn aawanaankaan na.

Nnyam 22:19

“Ni ku uja u doon kiwakork chee na.

Nnyam 34:15

Ni taa kpaan binib ngbaan chee ki ŋa kimɔbaan, ba pu? n‑yoonn mu bi toor baawaa na kan, bi ga chɔi nimi, ni ji kitork aajikaar ngbaan.

Ulandaan 7:26

M nan bee ke upii u kaa ŋan na cho jer nkun. Ngeehm mu u ga di tii si na ga chuu si ke gaawɔb, bee kipɔɔk aah ga chuu si pu na la. Le uŋaal aah kpal si pu na ga chuu si ke tikululn na. Uja u Uwumbɔr aasui piin u pu na ga ŋmar u chee, le u ga chuu utunwanbirdaan ma.

Jeremia 40:11

N‑yoonn mue na, Israel yaab bi mɔmɔk bi Moab ni Amonn, ni Edom, ni ntim muken ni na, ŋun ke Babiloŋ aabɔr kii ke Israel yaab bibaa li beenin koo Juda ni, ki di Gedalia ŋa baayidaan.

Esekiel 20:21

“Tɔ, bima ngbaan aaker mu nan ki yii maamɔb. Bi nan bii maakaal, kaa joo maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom. Nteersakpiin ni, nima chee, le m nan gor ke bi bee maaŋuul aah pɔɔ pu na, ki kuln bi mɔmɔk.

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nkahm 25:17

“Fiin ki tak Midiann yaab ngbaan ki kuln bi,

Nkahm 31:2

“Midiann yaab aah ŋa Israel yaab pu na, daa bitafal kina pu. Israel yaab yaa ŋa kina doo kan, nee aapuwɔb aa ga kpo.”

1 Korenti 10:8

Ni mu taa tun kidagook aatuln ke bi ponn ni bibaa aah nan tun pu ki cha binib ŋichur moninko ni ŋitaa kpo liwinbaal na.

Ikaal 3:29

“Nima pu na, ti nan gaar kifataŋ ki dɔ tok Bef Peor aatiŋ na ni.”

Ikaal 32:38

Ni nan joo tiwakor ti filk na le toor kitork tii ŋi, le ki nan tii ŋi ndaan ke ŋi nyu. Dandana wee, cha ŋi dan nan ter nimi, ki san ni ki nan gaa nimi lii, aan m kan.

Ikaal 4:3

Ninimbigbaŋ kan Uwumbɔr aah nan ŋa pu Peor Aajool chee na. U nan kuln unii umɔk nan dooni liwaal Baal na;

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 22:17

Ni teer taah nan tun titunwanbir ti Peor aatiŋ ni na; n‑yoonn ngbaan Uwumbɔr nan daa timi waanib aatafal ki cha iween lir ti pu, kina pu na, ti laa beenin ji kina aafalaa. Timi aatunwanbir ngbaan aa ŋeer aa?

Josua 3:1

Naah woln kichakpiik ni na, Josua ni Israel aanib ngbaan mɔmɔk nan fii lichakpitaawoln, le ki nyan Sitim aatiŋ ni, ki buen Jɔɔdann Aamɔɔl chee. Bi nan bi nima chee ki kii nwiin mu bi ga puur li na.

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.