Nkahm 24:7 - Uwumbɔr aagbaŋ

⁷ Utaal ga nu baatiŋ ni pam, le bi bu baajikaabim kitiŋ ki soon na pu. Baabɔr ga li kpa mpɔɔn pam, ki jer Ubɔr Agag, le waapɔɔn ga taln ki buen dandar dandar.

Nkahm 24:7 ပူးပေါင်းရင်းမြစ်များ

2 Samuel 5:12

Kina pu le David bee ke Uwumbɔr sil kaan u Israel aanaan, ki bi tii waanaan ngbaan liwangol sakpeln, waanib pu.

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

1 Bibɔrb 5:1

Taya aatiŋ Aabɔr Hiram aajɔ le nan ye David. Waah nan ŋun ke Solomonn le nab ute David aanaan pu na, u nan tun bininkpiib u chee.

1 Bibɔrb Aabɔr 14:2

Kina pu le David nan bee ke Uwumbɔr sil kaan u Israel aanaan, ki bi tii waanaan ngbaan liwangol sakpeln, waanib pu.

Esra 4:20

Bibɔrb bi kpa mpɔɔn sakpen na nan joo Jerusalem ni Yufrates aamɔɔl aawilir aapepel mɔmɔk, ki gaal lampoo ni ŋimombil,

Esta 3:1

Tiwan nee mɔmɔk aah ŋa ki jer na, le Ubɔrkpaan Sekes nan tii uja u bi yin u ke Hamann na tininkpir ti paa ubɔr pu na. Hamann aate le nan ye Hamedata, le uyaaja ye Agag.

Ilahn 18:43

Aa gaa mi binib bi yii maamɔb na chee lii, ki ŋa mi ŋitimbol aayidaan, maah kaa nan nyi binib bi na le gur ye maatutum.

Ilahn 68:26

“Pak Uwumbɔr, waanib aakuun ni man; Nimi bimɔk ye Jakob aayaabitiib na, pak Uwumbɔr man.”

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 89:27

M ga ŋa u njapɔpol, uma le ga li ye ubɔrkpaan u jer bibɔrb mɔmɔk na.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Aisaya 30:25

Nwiin mundaal ni ti nyaŋ nimi aadim, ki gaa baadifɔfɔŋ, ki ku baanib na, ibun ga puu nnyun ŋijoo, ni ŋigongon mɔmɔk pu.

Aisaya 48:1

Nimi Israel aanib bi ye Juda aayaabitiib na, li pel man tibɔr tee: Ni puu tipuur Uwumbɔr aayimbil pu, ki bui ke ni dooni nimi Israel yaab Aawumbɔr la, le naa bi nisui ni kpala.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 51:13

Kitiŋ ngbaan kpa ŋimɔɔ ni liwangol sakpen, tɔ, kaayoonn mu fuu a, le kaamɔfal doo.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Nkahm 24:20

Balaam nan ki kan tibɔkpiirkaan ti ye Amalek yaab aabɔr na, le ki nabr tibɔr timina: “Amalek yaab aatimbol le nan kpa mpɔɔn sakpen ki jer ŋitimbol mɔmɔk. Tɔ, ki cha baadoon na, bi ga nan kuln kookoo.”

Jɔnn 1:49

Le Natanael bui u, “Umɔmɔkr, aa sil ye Uwumbɔr Aajapɔɔn. Aa ye Israel yaab Aabɔrkpaan la.”

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 17:1

Le Uwumbɔr aatuuntiib bilole bi joo ŋisambil ŋilole ngbaan na ubaa dan ki nan len m chee ki bui mi ke, “Dan do, aan m nan mɔk si Uwumbɔr aah ga daa upiidagookpaan u bi nnyunkpaan chee na aatafal pu na.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”