Nkahm 24:6 - Uwumbɔr aagbaŋ

⁶ Ŋi si chɔl tɔb pu, ki naahn ŋibeebil aasui la, ki ki naahn tikpifar aasaak ki dɔ limɔɔl aagbaan na la, ki bi ke Uwumbɔr aah ŋum isui nyanyaan i na ki ki naahn santina aasui i si gbɔk nnyun na la.

Nkahm 24:6 ပူးပေါင်းရင်းမြစ်များ

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 104:16

Lebanonn aasantina aasui kani utaal, ima le ye Uwumbɔr ubaa aasui i u bun na.

Ilahn 45:8

Tulalee tiib bi bi yin bi ke mir ni alos na le gbii saakeken pu; le bilahngaab ni biwangbaab bi ŋibɔrchin ŋi bi di iluub aanyin di toor ŋi na ponn ni ki pak si.

Solomonn Aalahn 6:11

M sunn koo ni nkpan aasui ponn ni ke m nan kan tisubir ti bi kifataŋ ni na, ni ndaan aasubil aasui aafar aah bi kpenni pu na, ni ŋisubil ŋiken aasui aasupuun.

Aisaya 41:19

M ga cha santina aasui punn nteersakpiin pu, ki cha isui i ŋan na, ni olif aakpan aasui muun nima. Kitiŋ kee pu nin chee aa nan kpa nibaa na ga kpaln kichook ki kpa isui sakpiin i ŋan ki pɔɔ na.

Aisaya 58:11

Le m ga li kii nimi n‑yoonn mɔmɔk ki tii nimi tiwan ni ŋan na. M ga cha ni li kpa laafee ki pɔɔ. Ni ga li bi ke tikpin aasaak ki kaa lann nnyun na la, ki naahn uyayak aanyunbun mu kaa foor na.

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Esekiel 47:12

Isui mɔmɔk aabɔŋ ga muun ŋimɔɔgban ŋilee ngbaan mɔmɔk pu ki tii tijikaar. Yaafar aan yɔl daalbaadaal, le yaasubil mu aan fir daalbaadaal. I ga li kpa uŋmal mɔk aasubipɔɔn, ba pu? nkpen mu puu nyan ni Uwumbɔr Aadichal ni na le tii i nnyun. Isui ngbaan ga li tii tijikaar, le bi ga li joo yaafar mu ki sɔŋ binib aaween.”

Joel 3:18

N‑yoonn ngbaan kan, ŋijoo mɔmɔk pu ga li ye ikpaakon la; le inaa ga li bi ŋigongon mɔmɔk pu; le Juda aakpen mɔmɔk ponn ni ga li kpa nnyun pam. Nnyun ga li puu nyan ni Uwumbɔr Aadichal ni, ki sɔŋ Sitim Aafataŋ.

Nkahm 24:5

Israel yaab aadichal ŋan sakpen la.