Nkahm 24:17 - Uwumbɔr aagbaŋ

¹⁷ M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.

Nkahm 24:17 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

2 Samuel 8:14

U nan kaan kaan bijab Edom aatim mɔmɔk ni, le Edom yaab kpaln waatutum. Uwumbɔr nan tii David linyaŋ nimɔk u buen na.

2 Samuel 8:2

Le u ki nyaŋ Moab yaab mu. U nan cha waah chur bi tinaagbiir na doon kitiŋ, le u ti nyan binib bitaa ponn ni bilee ki ku bi. Kina pu le Moab yaab gur tun tii u, ki pa lampoo tii u.

2 Bibɔrb 3:5

Tɔ, Israel yaab aabɔr Ahab aah nan kpo na, Moab aabɔr Mesa nan nyan Israel yaab aapuwɔb ki pa sil bi pu.

1 Bibɔrb Aabɔr 18:2

U nan nyaŋ Moab yaab mu, le bi kpaln waanaagbiib ki pa lampoo tii u.

Ilahn 110:2

Uwumbɔr ga taln saanaan aapɔɔn ki nya Sionn ni. U ki len ke, “Li ye saadim aajojoor.”

Ilahn 45:6

Nnaan mu Uwumbɔr di tii si na ga li bi ki ti saa n‑yoonn mu kaa kpa ndoon na. Aa joo saanib mbamɔm la;

Aisaya 15:1

Moab yaab aanaŋ sɔ. Kinyeek kibaa le Ar ni Kir aatim ga bii, le ni mɔmɔk ga ŋmin chii.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 48:1

Uwumbɔr Mpɔɔnsakpiindaan aah nan len Moab yaab aabɔr ti na sɔ: “Nebo aanib aatiŋ kuln a, san bi kinimbaak man. Bi nyaŋ Kiriataim aatiŋ a, bi wii kaadir ti pɔɔ ki fɔk na, le kaanib jin inimɔɔn.

Jeremia 48:45

Bikusam bi kaa kpa nterm na pɔɔni bibaa ke bi ti kan nterm Hesbonn aatiŋ ki Ubɔr Sihonn nan joo ki na ni, tɔ, ki mu gaa mmii a. Mmii wun Moab aanib bi gee butɔb sakpen na aanaanmɔk ni kaajoo paab.

Sekaria 10:4

Bi ponn ni le bijojoob, ni bisalolm, ni bijab aaninkpiib ga nyan ni, ki nan li joo maanib.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Nkahm 21:29

Moab yaab, ni ye nimi falaa la. Nimi bi dooni liwaal Kemos na bii doo a. Nimi aawaal cha nimi aajab kpaln bikusam la, le Amor yaab aabɔr di nipuutiib ŋa binaagbiib.

Nkahm 24:16

ki ŋun Uwumbɔr aah len pu na aabɔr. Uwumbɔr u kaa kpa ŋeen aatɔ na le tii mi nnyim mu nyan ni u chee na. Maah dɔ ke maah geen na, le m likr ki kan Uwumbɔr Mpɔɔnsakpiindaan kpiir tibɔr tee mɔk mi.

Tibɔnyaan ti Luk ŋmee ti na 1:78

ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.

Hiibru Yaab 7:14

Binib mɔmɔk nyi ke Tidindaan nan ye Juda aanibol ponn ni aanii la. Moses aa nan len ke linibol ngbaan aanib ga li ye bitotoorb.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.

Tibɔkpiirkaan 1:7

Lik, u ga dii ntaalangbam ni ki dan. Binib mɔmɔk aanimbil ga kan u. Binib bi nan saa u na mu ga kan u. U pu, le ŋinibol ŋimɔk bi dulnyaa wee ni na ga wii. Ni ye mbamɔn la. Amii.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”

1 Samuel 14:38

Le Sɔɔl bui binib ngbaan aayidam ke, “Dan do man, ki nan lik ke ba aatunwanbir ti tun din wee.