Nkahm 23:5 - Uwumbɔr aagbaŋ

⁵ Uwumbɔr nan tuk Balaam waah ga len pu na, le ki tun u Balak chee, u ti bui u tibɔr ngbaan.

Nkahm 23:5 ပူးပေါင်းရင်းမြစ်များ

Nnyam 4:15

Bui u waah ga len pu na. M ga ter nimɔk bilee ni len, ki mɔk nimi naah ga ŋa pu na.

Ŋiyataŋak 16:1

Unibɔn aalandak nyani usui ni la, le yaadoon tee bi Uwumbɔr chee.

Ŋiyataŋak 16:9

Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Aisaya 51:16

Min le daa taln kitaapaak, le ki baan kitiŋ aatinyik; le m bui Jerusalem yaab ke, ‘Nimi le ye maanib. M tii nimi maamɔkm, le ki joo ŋŋaal kii nimi.’”

Aisaya 59:21

ki cha m ni nimi puu tipuur tii tɔb. M di maapɔɔn ni maakaal tii nimi ke ni li ye nimi yaan ki ti saa n‑yoonn mu kaa kpa ndoon na, ki nya din ki joo cha na, ni ga kii maamɔb ki mɔk nimi aabim, ni niyaabitiib ke bi kii maamɔb ki ti saa n‑yoonn mu choo na.”

Jeremia 1:9

Nee aapuwɔb le Uwumbɔr taln uŋaal ki di meeh mmɔgban, le ki bui mi ke, “Li pel, m bi tii si tibɔr ti aa ga len na la.

Nkahm 22:20

Kinyeek ngbaan le Uwumbɔr dan Balaam chee le ki nan bui u ke, “Binib bee yaa dan ke aa dii bi kan, gor aan ki dii bi buen, m mu tee ban ke aa ti ŋa maah bui si ke aa ŋa pu na baanja la.”

Nkahm 22:35

Le ntuun ngbaan bui u ke, “Li dii bijab ngbaan cha. Aa mu ti len maah ban ke aa len pu na baanja.” Kina pu na, Balaam nan dii bi buen.

Nkahm 23:16

Uwumbɔr nan dan Balaam chee, le ki nan tuk u waah ga len pu na, ki giin tun u Balak chee, ke u ti di tibɔr ngbaan tuk u.

Nkahm 23:4

Le Uwumbɔr dan u chee nima. Balaam nan bui u ke, “M maa kitork aabimbin ŋilole, le ki di unaaja, ni upihja toor kitork, ŋibimbin ngbaan mɔmɔk libaabaa pu.”

Nkahm 23:6

Le u gir buen Balak ni Moab yaab aayidam bi nan beenin si gbɔk kitork ki bi di see mmii ni na.

Tibɔnyaan ti Luk ŋmee ti na 12:12

N‑yoonn ngbaan yaa fuu ni kan, Uwumbɔr Aafuur Nyaan le ga mɔk nimi naah ga len pu na.”

Jɔnn 11:51

Waah len pu na, naa ye ubaa pu le u len. U nan ye Uwumbɔr aatotoorninkpel le libiln ngbaan. Nima pu na, Uwumbɔr Aafuur Nyaan nan cha u len ke Yesu ga kpo litimbol ngbaan aanib mɔmɔk pu.

Ikaal 18:18

M ga tun ni maabɔnabr ke saah bi pu na. U ga li ye binaabitiib ponn ni ubaa la. M ga bui u waah ga len pu na, le u ga tuk nimi tiwan nimɔk m ban na.