Nkahm 23:3 - Uwumbɔr aagbaŋ

³ Balaam nan bui Balak ke, “Li si gbɔk kitork aabimbin ngbaan, aan m buen do, ki ti lik ke Uwumbɔr ga kpiir ba aabɔr tuk mi. M ga tuk si waah kpiir tibɔr ti mɔk mi na.” Kina pu na, u nan buen ligongoln paab ubaa la.

Nkahm 23:3 ပူးပေါင်းရင်းမြစ်များ

Mpiin 22:13

Abraham nan yaar ki lik, le ki kan upihja si timoor ni, uyiin lɔk busub waatiir bubaa ponn ni. Le u buen ti chuu upihja ngbaan ki nan di toor kitork tii Uwumbɔr, kaa ki di ujapɔɔn toor.

Mpiin 22:2

Uwumbɔr nan bui u ke, “Di aajapɔɔn, u ye aajapɔnbaal Aisak, aan aa gee u sakpen na, ki di u buen Moria aatiŋ ni. Nima chee m ga mɔk si lijool libaa paab, aa di u toor kitork tii mi nima chee.”

Mpiin 8:20

Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.

Nnyam 18:12

Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Liifai Yaab 1:1

Uwumbɔr nan yin Moses, uma Uwumbɔr Aabool ponn ni, le ki tuk u tibɔr timina.

Nkahm 23:12

Le u giin bui ke, “Uwumbɔr aah bui ke m len pu na, kina baanja le m ga ŋmaa len.”

Nkahm 23:15

Balaam nan bui Balak ke, “Li si gbɔk saatork ki aa di see mmii ni na, aan m buen do ki ti lik ke Uwumbɔr ga kpiir ba aabɔr tuk mi.”

Nkahm 23:2

Balak nan ŋa Balaam aah bui u ke u ŋa pu na, le u ni Balaam kpaan di unaaja, ni upihja toor kitork, ŋibimbin ngbaan libaabaa pu.

Nkahm 23:26

Le Balaam giin bui u ke, “Maa tuk si ke m ga ŋmaa ŋa Uwumbɔr aah bui ke m ŋa pu na la aa?”

Nkahm 23:4

Le Uwumbɔr dan u chee nima. Balaam nan bui u ke, “M maa kitork aabimbin ŋilole, le ki di unaaja, ni upihja toor kitork, ŋibimbin ngbaan mɔmɔk libaabaa pu.”

Nkahm 24:1

N‑yoonn mue na, Balaam aah nan bee ke Uwumbɔr ban ke u ŋa tinyoor ŋa Israel yaab pu na, waa nan ki gir buen ke waah nan chaa pu, u ti baa ki bee waah ga len pu na. U nan fenn toŋ nteersakpiin wɔb,

Matiu 4:8

Le kinimbɔŋ ki yoor u buen lijool li fɔk sakpen na paab, le ki ti mɔk u dulnyaa aanaan mɔmɔk, ni mu aanyaan,

Josua 24:10

le maa kii tii Balaam, le u tee ŋa tinyoor ŋa ni pu. M nan ŋa kina le ki gaa nimi Balak aaŋaal ni lii.