Nkahm 23:22 - Uwumbɔr aagbaŋ

²² Uwumbɔr le nyan ni bi Ijipt aatiŋ ni, le ki jaa bi pu ke upɔɔnaaja aah jaa ubaa pu pu na.

Nkahm 23:22 ပူးပေါင်းရင်းမြစ်များ

Ilahn 22:21

Gaa mi ichinn yee chee; maa kpa mpɔɔn mubaa inaajabir yee chee.

Ilahn 68:35

Uwumbɔr aah nyan waadichal ni ki choo pu na kpa ijawaan la. Uma le ye Israel yaab Aawumbɔr. U tii waanib mpɔɔn ni tiwon aapɔɔn. Pak Uwumbɔr man.

Ilahn 92:10

Aa cha m pɔɔ ke upɔɔnaa na la; aa tii mi mpopiin.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Nnyam 14:18

N‑yoonn mu m nyaŋ bi na, le Ijipt yaab ga bee ke min le ye Uwumbɔr.”

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 34:7

Binib ngbaan ga lir ke ipɔɔnaa na, ni inaajabi na la, le kitiŋ po ga li ye nsin ni nkpan ŋmeen.

Nkahm 22:5

Nima pu na, Ubɔr Balak nan tun bi ti yin Beor aajapɔɔn u bi nan yin u ke Balaam, u nan bi Petor aatiŋ, ki bi gbɔk Yufrates Aamɔɔl li bi Amau aatiŋ aapepel ni na. Tibɔr ti nan nyan ni Balak chee aan bi ti bui u na sɔ: “M ban aa li nyi ke litimbomɔln libaa nyan ni Ijipt aatiŋ ni, binib ngbaan bi kitiŋ kee mɔmɔk pu, ki ban ke bi gaa timi aatiŋ mɔmɔk.

Nkahm 24:8

Uwumbɔr le nyan ni bi Ijipt aatiŋ ni. U jaa bi pu ke upɔɔnaaja aah jaa ubaa pu pu na, le bi kuln baadim mɔmɔk, ki wii baakpab, ni baapiin yuk yuk.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”

Josua 2:10

Ti ŋun Uwumbɔr aah cha Limɔɔkal Aanyusakpem foor aan ni puur, buyoonn ni nan nyan ni Ijipt aatiŋ ni na, ki ki ŋun ke ni ku Amor yaab aabɔrb bilee, Sihonn ni Og, Jɔɔdann aawipuul wɔb.