Nkahm 23:2 - Uwumbɔr aagbaŋ

² Balak nan ŋa Balaam aah bui u ke u ŋa pu na, le u ni Balaam kpaan di unaaja, ni upihja toor kitork, ŋibimbin ngbaan libaabaa pu.

Nkahm 23:2 ပူးပေါင်းရင်းမြစ်များ

Esekiel 45:23

Njim ngbaan aawiin mɔmɔk daal kan, u ga kɔr inaaja ilole, ni ipihja ilole i kaa kpa iween ibaa na tii min Uwumbɔr, ki di i see mmii ni imɔn. U ga kɔr uŋoja nwiin mɔk aan u li ye titunwanbir aatork.

Nkahm 23:1

Balaam nan bui Balak ke, “Maa kitork aabimbin ŋilole siin mi, aan ki li joo ni inaaja ilole, ni ipihja ilole.”

Nkahm 23:14

Nima pu na, u nan di u buen Sofim aakpaab ni, Pisga Aajool paab. Nima chee mu u nan ki maa kitork aabimbin ŋilole, le ki di unaaja ni upihja toor kitork, ŋibimbin ngbaan libaabaa pu.

Nkahm 23:29

Le Balaam ki bui u nima chee mu ke, “Maa kitork aabimbin ŋilole tii mi, ki li joo ni inaaja ilole, ni ipihja ilole, m toor kitork.”

Nkahm 23:3

Balaam nan bui Balak ke, “Li si gbɔk kitork aabimbin ngbaan, aan m buen do, ki ti lik ke Uwumbɔr ga kpiir ba aabɔr tuk mi. M ga tuk si waah kpiir tibɔr ti mɔk mi na.” Kina pu na, u nan buen ligongoln paab ubaa la.

Nkahm 23:30

Le Balak ŋa waah mɔk u pu na, ki di unaaja ni upihja toor kitork, ŋibimbin ngbaan mɔmɔk libaabaa pu.