Nkahm 23:14 - Uwumbɔr aagbaŋ

¹⁴ Nima pu na, u nan di u buen Sofim aakpaab ni, Pisga Aajool paab. Nima chee mu u nan ki maa kitork aabimbin ŋilole, le ki di unaaja ni upihja toor kitork, ŋibimbin ngbaan libaabaa pu.

Nkahm 23:14 ပူးပေါင်းရင်းမြစ်များ

Aisaya 46:6

Binib piir baamombil aataakɔr ki nyan salmaa; bi ŋaŋni tikunabr aanyunyuun. Bi ga ban uchaa aan u mɔɔ bi liwaal; le ki gbaan ki doon li.

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Nkahm 21:20

le ki ki nyan nima chee mu, ki buen Moab yaab aafataŋ ki bi Pisga Aajool aataab na ni. Aa yaa si nima chee kan, aa ga li waa nteersakpiin wɔb.

Nkahm 23:13

Le Balak ki bui ke, “Li dii ni mi, aan ti ki buen niken chee, aa ti kan Israel yaab ngbaan ngem. Sil nima chee, aan ki puun lii bi pu ki tii mi.”

Nkahm 23:15

Balaam nan bui Balak ke, “Li si gbɔk saatork ki aa di see mmii ni na, aan m buen do ki ti lik ke Uwumbɔr ga kpiir ba aabɔr tuk mi.”

Nkahm 23:29

Le Balaam ki bui u nima chee mu ke, “Maa kitork aabimbin ŋilole tii mi, ki li joo ni inaaja ilole, ni ipihja ilole, m toor kitork.”

Ikaal 3:27

Li cha Pisga Aajool aapaacham, ki ti lik ŋŋangan wɔb ki ti saa ŋŋangii wɔb, ki ki lik liwipuul wɔb ki ti saa liwilir wɔb. Saah waa tiwan nimɔk na, aa lik ni mbamɔm, ba pu? saa kpa nsan ke aa puur Jɔɔdann Aamɔɔl.

Ikaal 34:1

Moses nan nyan Moab aateer ni, le ki buen Nebo Aajool wɔb, ki ti jon Pisga Aajool li bi Jeriko aawipuul wɔb na. Lijool ngbaan paab, le Uwumbɔr nan mɔk u kitiŋ ngbaan mɔmɔk; u nan mɔk u Gilead aapepel mɔmɔk, ki yoor kina ki ti ker Dann aatiŋ, ŋŋangan wɔb,

Ikaal 4:49

Kitiŋ ngbaan nan ki bi Jɔɔdann Aamɔɔl liwipuul wɔb aapepel ni la, le ki yoor kina ti ker N‑yaan Aanyusakpem aaŋangii wɔb, ki dii kina ti saa Pisga Aajool aataab, liwipuul wɔb.