Nkahm 23:13 - Uwumbɔr aagbaŋ

¹³ Le Balak ki bui ke, “Li dii ni mi, aan ti ki buen niken chee, aa ti kan Israel yaab ngbaan ngem. Sil nima chee, aan ki puun lii bi pu ki tii mi.”

Nkahm 23:13 ပူးပေါင်းရင်းမြစ်များ

1 Bibɔrb 20:23

Ubɔr Ben‑Hadad aaninkpiib nan bui u ke, “Israel aatiŋ aawaa ye ŋijoo paab aawaa la. Nima le nan cha Israel yaab nyaŋ timi. Tɔ, timi ni bima yaa pii tɔb ŋijoo aah kaa bi nin chee na kan, ti ga nyaŋ bi.

1 Bibɔrb 20:28

Uwumbɔr aabɔnabr ubaa nan buen Ubɔr Ahab chee le ki ti bui u ke, “Uwumbɔr aah len pu na sɔ: ‘Siria yaab aah bui ke m ye ŋigongon pu aawaal, kaa ye ŋigongon aah kaa bi nin chee na yaal na, m ga cha aa nyaŋ baajab bi wiir sakpen na, le sin ni saanib ga bee ke min le ye Uwumbɔr.’”

Ilahn 109:17

U nan gee timɔpur, kina pu na, cha bi puun timɔpur lii u pu. Waa nan gee ke u mee Uwumbɔr aanyoor ŋa ubaa pu, kina pu na, ubaa mu taa mee Uwumbɔr aanyoor ŋa u pu.

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nkahm 22:41

Naah woln kichakpiik ni na, le Balak di Balaam buen Bamof Baal aagongoln paab, nin chee Balaam ga li waa Israel yaab ngem na.

Nkahm 22:6

Bi wiir jer timi, kina pu na, m ban ke aa dan nan puun lii bi pu ki tii mi. Aa yaa ŋa kina kan, nibaakan ti ga ŋmaa nyaŋ bi aan ki jenn nyan bi kitiŋ kee ni. M nyi ke aa yaa len tibɔnyaan lii unii pu kan, u kani tinyoor la, le aa yaa len tibɔbir lii unii pu kan, u kani tibɔr ti kaa ŋan na.”

Nkahm 23:12

Le u giin bui ke, “Uwumbɔr aah bui ke m len pu na, kina baanja le m ga ŋmaa len.”

Nkahm 23:14

Nima pu na, u nan di u buen Sofim aakpaab ni, Pisga Aajool paab. Nima chee mu u nan ki maa kitork aabimbin ŋilole, le ki di unaaja ni upihja toor kitork, ŋibimbin ngbaan libaabaa pu.

Josua 24:9

Moab yaab aabɔr u bi nan yin u ke Balak, aan ute nan ye Sipor na, nan ton nimi butɔb. U nan tun unii, Beor aajapɔɔn u bi nan yin u ke Balaam na chee, ki bui u ke u puun lii ni pu,